قاسىم-جومارت توقاەۆ دوكتورانتتاردىڭ ستيپەندياسىن 150 مىڭ تەڭگەگە دەيىن كوبەيتۋ قاجەت ەكەنىن ۇلتتىق قوعامدىق سەنىم كەڭەسىنىڭ ونلاين فورماتتاعى 3-وتىرىسىندا مالىمدەدى.
«جەتەكشى عىلىمي ورتالىقتارىمىزعا دوكتورانتۋرادان كەيىنگى ىزدەنىس ءۇشىن ارناۋلى مەملەكەتتىك تاپسىرىس بەرۋ قاجەت. سونداي-اق دوكتورانتۋراعا بولىنەتىن گرانتتاردىڭ قۇنىن ارتتىرۋ كەرەك. دوكتورانتتاردىڭ كوبى وتباسىلى ازاماتتار. ولار عىلىممەن اينالىسقان كەزدە نەگىزىنەن ستەپەنديامەن كۇن كورەدى, جۇمىس ىستەۋگە مۇمكىندىگى بولمايدى. دوكتورانتتاردىڭ ستيپەندياسىن 150 مىڭ تەڭگەگە دەيىن كوبەيتۋ قاجەت. سونىمەن قاتار, ەلباسىنىڭ جاس عالىمدار ءۇشىن جىل سايىن گرانت ءبولۋ جونىندەگى باستاماسىن جالعاستىرعان ءجون. ونى الداعى ءۇش جىلعا ارنالعان جالپى قۇنى 3 ملرد تەڭگە بولادى»,- دەدى مەملەكەت باسشىسى.