وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى بەكتورە سۇلتاننىڭ باستاماسىمەن جول قوزعالىسى قاۋىپسىزدىگىن قامتاماسىز ەتۋ, جول-كولىك وقيعالارىن بولدىرماۋدىڭ الدىن الۋ ماقساتىندا «قاۋىپسىز جول» جەدەل-پروفيلاكتيكالىق ءىس-شاراسى وتكىزىلدى. بۇل تۋرالى دەپارتامەنتتىڭ ءباسپاسوز قىزمەتى حابارلايدى.
شارا اياسىندا جول قوزعالىسى ەرەجەلەرىن ورەسكەل بۇزۋ جاعدايلارىن انىقتاۋ, اۆتوكولىك جۇرگىزۋشىلەرىنىڭ جاياۋ جۇرگىنشىلەرگە جول بەرمەۋ دەرەكتەرىنىڭ الدىن الۋ, پروفيلاكتيكالىق باعىتتاعى جۇمىستاردى بارىنشا جانداندىرۋعا باعىتتالعان بىرقاتار رەيد ۇيىمداستىرىلدى.
ءىس-شارا بارىسىندا جول قوزعالىسى ەرەجەسىن بۇزۋدىڭ 1555دەرەگى انىقتالدى. قالا توڭىرەگىندە ورەسكەل قۇقىق بۇزۋشىلىقتاردى انىقتاۋ ماقساتىندا جەرگىلىكتى پوليتسيا قىزمەتى باسقارماسىنىڭ اپپارات قىزمەتكەرلەرىمەن قوسىمشا موبيلدىك توپتار قۇرىلىپ, ولار اكىمشىلىك قۇقىق بۇزۋشىلىقتىڭ 25 دەرەگىن تىركەدى. كارانتيندىك رەجيمدەگى شەكتەۋلەرگە قاراماستان قىزىلوردا-نۇر-سۇلتان باعىتىندا زاڭسىز جولاۋشى تاسىمالداۋمەن اينالاسىپ جۇرگەن ەكى ازاماتقا قاتىستى ءتيىستى اكىمشىلىك حاتتامالار راسىمدەلىپ, قوزعالىستارىنا شەكتەۋ قويىلدى.
پوليتسيا دەپارتامەنتىنىڭ باستىعى «قاۋىپسىز جول» جەدەل-پروفيلاكتيكالىق ءىس-شاراسىنىڭ الداعى ۋاقىتتا دا جالعاساتىنىن اتاپ ءوتتى.