اراعا 9 جىل سالىپ, ەندى اقش ءوز جەرىنەن قايتادان عارىشقا استروناۆتتارىن اتتاندىرماقشى. 2011 جىلدان بەرى امەريكاندىق عارىشكەرلەر رەسەيدىڭ «سويۋز» عارىش كەمەلەرى ارقىلى ۇشىپ جۇرگەن ەدى.
اتىشۋلى يلون ماسكتىڭ SpaceX كومپانياسى بىرنەشە ءساتتى سىناقتاردان كەيىن ءوز تاريحىندا تۇڭعىش رەت عارىشقا ادام اتتاندىرماقشى بولىپ وتىر. بۇل تۋرالى كومپانيانىڭ Twitter پاراقشاسىندا حابارلاندى. Falcon 9 زىمىرانى ارقىلى ۇشىپ شىعىپ, Crew Dragon عارىش كەمەسى حالىقارالىق عارىش ستانساسىنا بارىپ تۇيىسپەكشى. قازىر دايىندىقتىڭ سوڭعى كەزەڭدەرى بولىپ جاتىر. اۋا رايىنىڭ قولايلىعى 60% ىقتيمالدىقتى كورسەتۋدە.
قۇرامىندا قوس استروناۆت بار ەكيپاجدىڭ وربيتادا 110 تاۋلىك بولۋى جوسپارلانعان. داگ ءحورلي جانە بوب بەنكەن سوڭعى پىسىقتاۋلارىن ىسكە اسىرىپ تاپ-تۇيناقتاي دايىن وتىر.
ەكيپاج كەزىندە 1969 جىلى ايعا ادام اتتانعان 39ا كەشەنىنەن ۇشىپ شىقپاقشى.