سيمپتومسىز ناۋقاستار ۆيرۋستى وزگەلەرگە جۇقتىرۋى مۇمكىن - مينيستر

«سيمپتوممەن كەلگەن ناۋقاستاردىڭ سانى  15-16% كولەمىندە. جالپى ناۋقاستاردىڭ 70%-ى سيمپتومسىز تىركەلگەندەر. بۇل ناۋقاستاردى تابۋ ءۇشىن ءبىز دەنساۋلىق ساقتاۋ مينيسترلىگى جانە جەرگىلىكتى اكىمشىلىكتەرمەن بىرلەسىپ, الدىن الۋ پروفيلاكتيكالىق سكرينينگتىك جۇمىستار جۇرگىزىپ جاتىرمىز. پرەزيدەنت تاپسىرماسى بويىنشا قازىرگى كۇندە سكرينينگتىڭ كولەمى كۇنىنە 3-4 مىڭ بولسا, قازىر 25 مىڭ تەستكە كوبەيتتىك», - دەدى ەلجان ءبىرتانوۆ.

مينيستر ۇلكەن ۇجىم قىزمەتكەرلەرىن سكرينينگتەن وتكىزۋدىڭ ماڭىزى تۋرالى ايتتى.

«جالپى وسى ەپيدەميا باستالعاننان بەرى ەلىمىزدە 711 مىڭ تەست جاسالدى. ولاردىڭ 260 مىڭنان استامى, 40%-ى پروفيلاكتيكالىق سكرينينگ دەپ ايتۋعا بولادى. وسىنداي ۇلكەن ۇجىمدارعا شىعىپ, مەديتسينالىق ۇيىمدارعا, ارنايى الەۋمەتتىك ۇيىمداردا سكرينينگ وتكىزىپ, ءبىراز ناۋقاستاردى تاۋىپ, يزولياتسياعا جىبەرىپ جاتىرمىز. بۇل – وتە ماڭىزدى ماسەلە», - دەدى مينيستر ءبىرتانوۆ.

كوپ جاعدايدا ازاماتتار «مەن اۋىرمايمىن, ەشقانداي سيپمتومدار جوق, نەگە مەنى اۋرۋحاناعا جاتقىزادى» دەپ سۇرايتىنىن ايتتى.

«سيمپتومسىز ناۋقاستار باسقالارعا ينفەكتسيانى جۇقتىرۋى مۇمكىن. بۇل – بەلگىلى جاعداي. سونىمەن, بۇكىل دۇنيەجۇزىندەگى عىلىمي زەرتتەۋلەردىڭ نەگىزىندە وسىنداي سيمپتومسىز ناۋقاستاردى يزولياتسياعا جىبەرۋىمىز كەرەك. ولاردى اۋرۋحاناعا جاتقىزامىز. قازىر مۇمكىندىك بولسا ۇيلەرىندە نەمەسە ارنايى كارانتيندىك ستاتسيونارعا جاتقىزىپ, باسقا حالىقتان وقشاۋلاۋىمىز كەرەك. كەيبىر مەملەكەتتەردە بۇل ناۋقاستاردى سانامايدى, جالپى ستاتيستيكاعا كىرمەيدى. بىراق ءبىز بۇنى دۇرىس ەمەس دەپ ويلايمىز. ءبىز قازاقستانداعى ءتارتىپ بويىنشا بارلىق ناۋقاستى ەسەپكە كىرگىزەمىز», - دەدى ەلجان ءبىرتانوۆ.