كارانتين كەزىندە قوعامدىق بىرلەستىكتەر مەن قايىرىمدىلىق قورلارىنىڭ بەلسەندىلىگى ارتا ءتۇستى. الەۋمەت الەۋەتىن جاقسارتۋعا «قىزىل جارتى اي» قوعامى دا اتسالىسۋدا.
ولار جاعدايى تومەن وتباسىلارعا, سونداي-اق اۋرۋحانالاردا جاتقان ناۋقاستارعا ازىق-ت ۇلىك سەبەتتەرىن تاراتۋدا. حالىقارالىق «قىزىل جارتى اي» قوعامدىق قورىنىڭ كوكشەتاۋداعى ۇيىمى توتەنشە جاعداي ۋاقىتىندا ەرەكشە بەلسەندىلىك تانىتۋدا. كارانتين تالاپتارى جەڭىلدەتىلگەنىمەن, ولاردىڭ جۇمىسى توقتاعان جوق. بۇگىنگى كۇنگە دەيىن 300-گە جۋىق وتباسىن ازىق-ت ۇلىك سەبەتتەرىمەن قامتاماسىز ەتتى.
– گەرمانيانىڭ «قىزىل جارتى اي» ۇيىمى الەۋمەتتىك كومەك كورسەتۋدە. كوكشەتاۋ قالاسىنداعى جاعدايى تومەن وتباسىلارعا 100 جاشىك ازىق-ت ۇلىك ءبولىندى. بۇعان دەيىن 180 وتباسىعا كومەك كورسەتكەن بولاتىنبىز. ءبىزدىڭ قاتارىمىزعا كوكشەتاۋ قالاسىنىڭ اۆتوكلۋب جۇرگىزۋشىلەرى دە قوسىلدى. ولار ازىق-ت ۇلىكتەردى جەتكىزۋگە كومەكتەسىپ ءجۇر, – دەيدى «قىزىل جارتى اي» قوعامى كوكشەتاۋ فيليالىنىڭ جەتەكشىسى اسحات ءۋايىسوۆ.
«قىزىل جارتى اي» قوعامىنىڭ ۆولونتەرلارى الداعى ۋاقىتتا قىتايدىڭ قايىرىمدىلىق قورلارىنان دا 100-دەن استام ازىق-ت ۇلىك سەبەتىن قابىلداپ الماق. بۇل ۇيىم قيىندىققا تاپ بولعان جاندارعا دا قول ۇشىن سوزۋدا. ۇيىنەن ءورت شىعىپ, باسپاناسىز قالعان ايمۇحانوۆتار وتباسىنا كومەك كورسەتتى. قازىر ولار گاراجدا تۇرىپ جاتىر.
«قىزىل جارتى اي» قوعامى ايمۇحانوۆتار وتباسىنا قوماقتى جاردەم كورسەتۋدە. ازىق-ت ۇلىك, ىدىس-اياق, كيىم-كەشەكپەن قامتاماسىز ەتتى.