ماڭعىستاۋ وبلىستىق پوليتسيا دەپارتامەنتىنىڭ قىزمەتكەرلەرى الماتى قالاسىندا بلوك-بەكەتتە ماس جۇرگىزۋشىنىڭ سالدارىنان قازا تاپقان ەكى ارىپتەسى جاراس جانعازيەۆ پەن داستان ابدىقانوۆتىڭ وتباسىنا ەكى ميلليون تەڭگە كولەمىندە قارجى جينادى. بۇل تۋرالى اتالعان ۆەدومستۆونىڭ ءباسپاسوز قىزمەتى حابارلادى.
قايعىلى وقيعا ماڭعىستاۋلىق پوليتسەيلەردى بەيجاي قالدىرمادى, ولار قازا تاپقان ارىپتەستەرىنىڭ وتباسىلارىن قولداۋدى ۇيعاردى. ۆەدومستۆو باسشىسى جاناربەك باقتىباەۆ قىزمەتكەرلەردىڭ باستاماسىن قولدادى. پوليتسەيلەر قازا تاپقان وفيتسەرلەردىڭ ءاربىر وتباسىنا ميلليون تەڭگەدەن ەكى ميلليون تەڭگە جينادى.
- بۇل قورقىنىشتى جول-كولىك وقيعاسى ەشكىمدى بەي-جاي قالدىرمادى, بىراق بىرەۋ ءۇشىن بۇل جاي عانا ءومىر ساباعى, ال ءبىز ءۇشىن ۇلكەن تراگەديا, ورنى تولماس جوعالتۋ. ءبىز قازا تاپقان ارىپتەستەرىمىزدىڭ وتباسىلارىمەن بىرگە قايعىرامىز. پوليتسيا قىزمەتكەرلەرى قىلمىسكەرلەردىڭ وقتارىنان دا, ماس جۇرگىزۋشىلەردەن دە قازا تاپپاۋىن قالايدى. بۇل قايعى-قاسىرەت ارقايسىمىزعا اسەر ەتۋى مۇمكىن, ءبىز بىرگە بولامىز, ءبىر-بىرىمىزگە كومەكتەسەمىز جانە قولداۋ كورسەتەمىز, دەدى جاناربەك تولەۋبەك ۇلى.