كوروناۆيرۋستى جۇقتىرعانداردىڭ قاتارى كەمىپ كەلە جاتقان ەلدەر كارانتين ءتارتىبىن جەڭىلدەتەتىن بولسا ىندەتتىڭ ەكىنشى تولقىنىنا تاپ بولۋى ىقتيمال. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ دەنساۋلىق ساقتاۋ سالاسىنداعى توتەنشە جاعداي جونىندەگى باعدارلامانىڭ جەتەكشىسى مايكل رايان ونلاين-بريفينگتە ايتتى.
مامان پىكىرىنە سۇيەنسەك, قازىر الەم كوروناۆيرۋس پاندەمياسىنىڭ العاشقى تولقىنىنىڭ بەل ورتاسىنا جەتتى. ويتكەنى, ورتالىق جانە وڭتۇستىك امەريكادا, افريكا مەن وڭتۇستىك ازيادا ىندەت جۇقتىرعاندار سانى كۇن ساناپ كوبەيىپ جاتىر.
ء«بىرىنشى تولقىندا سىرقاتتانعاندار سانى بارىنشا تومەن دەڭگەيگە دەيىن ازايادى, ال بىرنەشە ايدان سوڭ اۋرۋ قايتا ءورشيدى. تيىسىنشە بۇل جاعداي بىرنەشە ايدان كەيىن كوپتەگەن مەملەكەتتەردە كورىنىس تابۋى مۇمكىن», - دەدى ول.
ددۇ وكىلدەرى پاندەميانىڭ ەكىنشى كەزەڭى ماۋسىمدىق تۇماۋمەن تۇسپا-تۇس كەلۋى مۇمكىن ەكەنىن ايتادى. سونداي-اق ادامزات پاندەميانىڭ ءبىرىنشى كەزەڭىندە ونى قايتا ءورشىتىپ الۋى مۇمكىندىگىن ەسكەرتتى. مۇنداي جاعداي 1918-1920 جىلدارى يسپان گريپىنىڭ پاندەمياسى كەزىندە بولعان.