مەملەكەت باسشىسى قىزمەتتىك بورىشىن اتقارۋ ۇستىندە كوز جۇمعان پوليتسەيلەردى «ايبىن» وردەنىمەن ناگرادتادى. بۇل تۋرالى اقوردانىڭ ءباسپاسوز قىزمەتى حابارلادى.
قاۋلى ەتەمىن:
1. قىزمەتتىك بورىشىن ۇلگىلى اتقارعانى, قۇقىق ءتارتىبىن قامتاماسىز ەتۋگە بەلسەنە قاتىسقانى ءۇشىن ناگرادتالسىن:
ءىى دارەجەلى «ايبىن» وردەنىمەن
جانعازيەۆ جاراس سۇلتانعالي ۇلى (مارقۇم) – ىشكى ىستەر مينيسترلىگى الماتى قالاسىنىڭ پوليتسيا دەپارتامەنتى پاترۋلدىك پوليتسيا پولكىنىڭ قىزمەت ينسپەكتورى;
ءىىى دارەجەلى «ايبىن» وردەنىمەن
ابدىقانوۆ داستان ماراتجان ۇلى (مارقۇم) – ىشكى ىستەر مينيسترلىگى الماتى قالاسىنىڭ پوليتسيا دەپارتامەنتى پاترۋلدىك پوليتسيا پولكىنىڭ پوليتسەيى.
2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ
پرەزيدەنتى ق.توقاەۆ
نۇر-سۇلتان, اقوردا, 2020 جىلعى 26 مامىر
№ 339