بۇل تۋرالى ءبىلىم جانە عىلىم مينيسترلىگى حابارلادى. ونلاين وتكەن وليمپياداعا 150 مىڭنان اسا وقۋشى قاتىسقان.
«ونلاين وليمپيادا 9-11 سىنىپ وقۋشىلارى اراسىندا تەگىن وتكىزىلدى. ولارعا ماتەماتيكا, فيزيكا, حيميا بيولوگيا, گەوگرافيا, ينفورماتيكا, قازاق ءتىلى, ورىس ءتىلى, اعىلشىن ءتىلى, قازاقستان تاريحى, دۇنيەجۇزى تاريحى جانە ادام. قوعام. قۇقىق پاندەرىن قامتيتىن كوپدەڭگەيلى ءار ءپان 50 سۇراقتان تۇراتىن تەست تاپسىرمالارىن ورىنداۋ ۇسىنىلدى.وليمپيادانىڭ ەرەجەسىنە سايكەس قاتىسۋشىلاردىڭ 25% ءى, ءىى, ءىىى دارەجەلى ديپلومدارمەن ماراپاتتالادى. جەڭىمپازدار مەن جۇلدەگەرلەردىڭ ديپلومدارى ەلەكتروندى فورماتتا daryn.kz سايتىندا 25 مامىرعا دەيىن جاريالانادى», دەلىنگەن مينيسترلىكتىڭ مالىمدەمەسىندە.