جولدىبايداعى جول جوندەلمەي تۇر

وڭىردە 700 شاقىرىم جول جوندەلۋدە. جالپى كولەمى 7 مىڭ شاقىرىمنان اسادى. جول قۇرىلىسىنا قىرۋار قارجى بولىنگەنىمەن,  شاعىن اۋىلداردىڭ قاتىناسى قيىنداپ كەلەدى. بولىنگەن قارجىنىڭ دەنى وبلىستىق ماڭىزداعى جولدارعا جۇمسالۋدا. 

ءىرى وندىرىستىك نىسانى جوق نەمەسە حالىق سانى 15 مىڭعا جەتپەيتىن ەلدى مەكەندەردىڭ كەزەگى كەلەر ەمەس. ال, جىل وزعان سايىن مۇنداي اۋىلداردىڭ قۇتى قاشىپ, حالقى قونىس اۋدارىپ جاتىر. كوكشەتاۋدان 60 شاقىرىم جەردەگى جولدىباي اۋىلىنىڭ جولى مىڭ شۇڭقىر. 

جول جايسىز بولعان سوڭ تىرشىلىكتىڭ دە قىبى كەلىسپەيتىنى بەلگىلى. وسى ماڭايداعى باراتاي, اقان, بۇلاق تۇرعىندارى گرەيدەردەن گورى قىر ارالاعان قارا جولمەن جۇرگەندى ءجون كورەدى. ءجۇرىس جىلدام, كولىكتىڭ دە سىنۋى از. الايدا, كوكتەمگى اعىن سۋ ەكى جولدى دا شايىپ, جولدىبايدى بايلانىسسىز قالدىرىپتى.

–«نۇرلى كوش-سيمفەروپول-جولدىباي» باعىتىنداعى جول وبلىستىق ماڭىزى بار باعىتتىڭ ءبىرى. بيىل جولدى جوندەۋگە قاجەتتى جوبالىق-سمەتالىق قۇجاتقا تاپسىرىس بەرىلمەك. 2021 جىلى جولدىبايعا جاڭا جول سالىنادى دەپ جوسپارلاپ وتىرمىز,–دەيدى وبلىستىق جولاۋشىلار كولىگى جانە اۆتوموبيل جولدارى باسقارماسى جەتەكشىسىنىڭ ورىنباسارى ۆلاديمير كۋلاكوۆ.

جولدىباي جولى بولعان اۋىلدار قاتارىنان تابىلدى. بۇگىندە وبلىستىق ماڭىزى بار جولدىڭ 78 پروتسەنتى جوندەلگەن. ال, وڭىردەگى اۋىل جولدارى 2187 شاقىرىم. ونىڭ تەڭ جارىمى قاناعاتتانارلىق جاعدايداعى جەرگىلىكتى ماڭىزى بار جول ساناتىندا.

اقمولا وبلىسى.