ونىڭ ايتۋىنشا, قالا اۋماعىندا قوقىس تاستايتىن 488 قوقىس الاڭشاسى, 2039 قوقىس كونتەينەرى بار. بۇگىندە ولاردىڭ كوبىنىڭ توزىعى جەتكەن. سول سەبەپتى, قوقىس سالاتىن كونتەينەرلەردى مەملەكەتتىك-جەكەمەنشىك ارىپتەستىك اياسىندا جاڭارتۋ كوزدەلىپ وتىر ەكەن.
جاڭا قوقىس كونتەينەرلەرى باسقا كونتەينەرلەرگە قاراعاندا ىڭعايلى. ارنايى قاقپاقتارى جەڭىل قالدىقتاردىڭ ۇشىپ كەتۋىنەن, شاشىلۋىنان قورعايدى جانە جاعىمسىز ءيىسى شىقپايدى.
قاتتى تۇرمىستىق قالدىقتى يگەرۋ, كادەگە جاراتۋ جانە قايتا وڭدەۋ باعىتىنداعى جۇمىستاردى كەزەڭ-كەزەڭىمەن جۇزەگە اسىرۋدى ايتقان قالا باسشىسى م.ايتەنوۆ ەڭ الدىمەن ءۇي قالدىقتارىن سۇرىپتاپ, ەكو-كونتەينەرلەرگە جيناۋ قاجەتتىگىن ايتتى.
وسى ورايدا, Grەەn line كومپانياسىنىڭ وكىلى قالا باسشىسىنا ەكو-كونتەينەردىڭ ءبىر نۇسقاسىن ۇسىنىپ, قوقىستى وڭدەۋدىڭ وزىندىك جۇيەسىن كورسەتتى. مۇنان بولەك, بۇل سالادا بىرنەشە جىلدان بەرى قىزمەت ەتىپ كەلەجاتقان «وريوننوۆتەح» كومپانياسىنىڭ دا ۇسىنىسىن تالقىلادى.
جيىن بارىسىندا مۇرات دۇيسەنبەك ۇلى قالاداعى قوقىس جيناۋ جۇيەسىنە, اسىرەسە جەر ۇيلەردىڭ كوشە بويىنا قالدىقتارىن شىعارىپ تاستايتىنىنا كوڭىلى تولمايتىنىن جەتكىزدى. سوندىقتان, قوقىس جيناۋدىڭ جاڭا الگوريتمىن جاساۋدى تاپسىردى.
سونداي-اق اكىم ءتۇرلى كونتەينەرلەر قويىپ, بيزنەستى مەملەكەتتىك-جەكەمەنشىك ارىپتەستىك ارقىلى قايتا وڭدەۋمەن اينالىسۋعا ىنتالاندىرۋ كەرەك ەكەنىن ايتىپ ءوتتى.
شىمكەنت