مەملەكەتتەن قايتارىمسىز قارجى الىپ, كاسىبىن دوڭگەلەتكەندەر كوپكە ۇلگى. ماسەلەن, زەرەندىلىك داميرا بيتەنوۆا «باستاۋ بيزنەس» جوباسى اياسىندا كاسىپكەرلىك نەگىزدەرىن مەڭگەرىپ, جەكە كوسمەتولوگيالىق كابينەتىن اشقان.
ال, ايگۇل رزاەۆا بولسا, تاپسىرىسپەن اس دايىنداۋ ءىسىن جولعا قويعان. جالپى, جىل باسىنان بەرى اۋداندا 22 ازامات ءوز ءىسىن دوڭگەلەتۋدە. «جۇمىسپەن قامتۋدىڭ جول كارتاسى», «ەڭبەك» باعدارلامالارى اياسىندا تالپىنىپ تىرشىلىك جاسايتىندار سانى بىرتىندەپ كوبەيىپ كەلەدى..
–سۇيىكتى ءىسىن تابىس كوزىنە اينالدىرىپ, كاسىپكەر اتانۋ وڭاي ەمەس. ول ءۇشىن كاسىپكەرلىك نەگىزدەرىن مەڭگەرۋ قاجەت,–دەيدى كاسىپكەر داميرا بيتەنوۆا. مەدبيكە رەتىندە 20 جىلعا جۋىق ەڭبەك ءوتىلى بار ول جەكە كوسمەتولوگيالىق كابينەتىن اشىپ, كاسىپكەر اتانۋ ءۇشىن الدىمەن «باستاۋ بيزنەس» جوباسى اياسىندا ءبىلىم العان. سول ءبىلىمىنىڭ ارقاسىندا بيزنەس جوسپارىن جاساپ, گرانت يەگەرى اتانادى.
گرانت قارجىسىنا كوسمەتولوگيالىق كومباين مەن ستەريليزاتور ساتىپ الدى. ءسويتىپ, شاعىن كابينەتتىڭ قىزمەت كورسەتۋ اياسى كەڭەيە تۇسەدى.
–2019 جىلى 51 ميلليون تەڭگەگە 132 زەرەندىلىك ازاماتقا گرانت بەرىلدى, ال جالپى «باستاۋ بيزنەس» باعدارلاماسى بويىنشا 250 ادام وقۋدان ءوتتى. ناتيجەسىندە جەكە كاسىپتەرىن دامىتۋعا 88 ادامعا جالپى سوماسى 350 ميلليون تەڭگە كولەمىندە شاعىن نەسيە بەرىلدى. ءبىزدىڭ باستى ماقساتىمىز جەكە كاسىپكەرلىككە بەت بۇرىپ, قارجى العان ازاماتتارعا قولداۋ كورسەتۋ. ءبىر جىل بويى ءبىز ولارعا بيزنەس-جوسپار بويىنشا جۇمىس ىستەۋگە كومەكتەسەمىز, بۋحگالتەرلىك ەسەپ, سالىقتىق ەسەپ بەرۋدى ۇيرەتەمىز,–دەيدى اۋداندىق كاسىپكەرلەردى قولداۋ ورتالىعىنىڭ كەڭەسشى مەنەدجەرى راۋشان وماروۆا.
جەكە كاسىبىن اشۋعا زەرەندىلىكتەردىڭ قۇلشىنىسى جوعارى. بيىل «باستاۋ بيزنەس» اياسىندا وقۋدان وتۋگە 300-دەن استام ءوتىنىش كەلىپ تۇسكەن. كوروناۆيرۋس ىندەتىنە بايلانىستى كاسىپكەرلىك نەگىزدەرى بويىنشا وقىتۋ ونلاين-رەجيمدە وتەدى دەپ جوسپارلانىپ وتىر.