بيىل كوكشەتاۋ قالالىق جۇمىسپەن قامتۋ ورتالىعىنا مۇمكىندىگى شەكتەۋلى 50 ادام ەڭبەككە ورنالاسۋعا ءوتىنىش بەرگەن. ولاردىڭ 2-ءۋى جاستار تاجىربيەسى ارقىلى جۇمىسپەن قامتىلسا, 19 ادام قوعامدىق جۇمىستارعا ورنالاستىرىلعان. تاعى 11-ءى تۇراقتى جۇمىسپەن قامتىلعان.
احات ساميگۋلين ەكىنشى توپتاعى مۇگەدەك. ول ساعات جوندەۋمەن اينالىسادى. بۇل كاسىپپەن ەرتەرەكتە ونىڭ اكەسى, اتاسى اينالىسقان. جاقىندا «ەڭبەك» باعدارلاماسى شەڭبەرىندە قايتارىمسىز گرانت الدى. ول قاراجاتقا رەسەيدەن تۇرمىستىق زاتتاردى قايرايتىن ارنايى قۇرال ساتىپ العان.
– ەندىگى كەزەكتە ماعان وقۋ كەرەك. ال كۋرس باعاسى قىمبات, رەسەيدە 300 مىڭ تەڭگە تۇرادى. وتباسىم, ەكى بالام بار. اپپارات مانيكيۋر, پەديكيۋر جاسايتىن قايشىلاردى قايرايدى. مەن پىشاق وزگە دە قۇرالداردى قايراۋعا بولاتىنداي قايتا جابدىقتايمىن,–دەيدى كوكشەتاۋ قالاسىنىڭ تۇرعىنى احات ساميگۋلين.
ۇستىمىزدەگى جىلى قايتارىمسىز گرانت العان تاعى ءبىر كاسىپ يەسى مال شارۋاشىلىعىمەن اينالىسۋدا.
– ەڭ الدىمەن ولار وزدەرىنىڭ بيزنەس-پروەكتەرىن ۇسىنادى. ودان سوڭ قۇجاتتارىن تۇگەندەپ كوميسسياعا جىبەرەدى,–دەيدى قالالىق جۇمىسپەن قامتۋ ورتالىعىنىڭ مامانى نارگيز سادۋاقاسوۆا.