ورتكە تەمەكى تۇقىلى سەبەپ بولۋى مۇمكىن. بۇل تۋرالى توتەنشە جاعدايلار دەپارتامەنتى باستىعىنىڭ ورىنباسارى ماناربەك شاپاعاتوۆ مالىمدەدى. ءورت ميتچەنكو كوشەسىندە ورنالاسقان ەكى قاباتتى ۇيدەن شىققان. قازا تاپقان ادام 1958 جىلعى ازامات, سول پاتەردىڭ يەسى.
ءورتتىڭ شىعۋىنا نەگىزگى بولجام بويىنشا ەر ازامات تەمەكى تارتقان سوڭ, قاۋىپسىزدىك شاراسىن ساقتاماۋى سەبەپ بولعانعا ۇقسايدى. قازىر تەحنيكالىق ساراپتاما تاعايىندالدى. ەر ازاماتتىڭ مۇردەسى سوت-مەديتسينالىق ساراپتاماسىنا جىبەرىلدى,–دەيدى ماناربەك شاپاعاتوۆ.
سونداي-اق, بۇگىن تاڭعى ساعات سەگىزدە كوكشەتاۋدا ابىلاي حان داڭعىلىنداعى 20-ءۇيدىڭ ءبىرىنشى پودەزى تۇتىنگە وراندى. زارداپ شەككەندەر جوق.
ءورتتىڭ شىعۋىنا جەرتولەدەگى ەلەكتر سىمدارىنىڭ تۇيىقتالۋى سەبەپ بولعان. اۋەلى جوعارى قاباتتاعى پاتەردىڭ بىرىندە سۋ قۇبىرى جارىلىپتى. ءورت سوندىرۋشىلەر 22 ادامدى ەۆاكۋاتسيالادى. ونىڭ تورتەۋى – بالا.