مەملەكەت باسشىسى قاسىم-جومارت توقاەۆتىڭ توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ قورىتىندى وتىرىسىندا ۇكىمەتكە بيولوگيالىق قاۋىپسىزدىك كەڭەسىن قۇرۋدى تاپسىردى. ال اتالعان كەڭەسكە كىمدەر مۇشە بولماق؟ بۇل سۇراققا ءبىلىم جانە عىلىم ءمينيسترى اسحات ايماعامبەتوۆ ونلاين رەجىمدە وتكەن ءباسپاسوز كونفەرەنتسياسىندا جاۋاپ بەردى.
«الداعى ۋاقىتتا قۇرىلاتىن كەڭەس قۇرامىنا ەلىمىزگە تانىمال عالىمدار مەن ساراپشىلار كىرەدى. وزدەرىڭىز بىلەتىندەي, بىزدە بيولوگيالىق قاۋىپسىزدىككە قاتىستى جالپى 13 مەكەمە بار. البەتتە ەڭ الدىمەن وسى مەكەمەلەردىڭ وكىلدەرى تارتىلادى. بۇدان بولەك اتالعان ماسەلەگە جاۋاپتى ءبىلىم جانە عىلىم مينيسترلىگى, دەنساۋلىق مينيسترلىگى سەكىلدى ءتيىستى مەملەكەتتىك ۆەدومستۆونىڭ ماماندارى دا كەڭەسكە مۇشە بولادى. قازىر كەڭەس مۇشەلەرىنىڭ ناقتى ءتىزىمى ازىرلەنىپ جاتىر. جاقىندا شەشىم قابىلدانادى», دەدى مينيستر.