راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ ءۇشىنشى كۋرس كۋرسانتتارى وقۋ اۋديتوريالارىن اۆتودرومعا الماستىرىپ, جۇك كولىكتەرىن تىزگىندەۋدى مەڭگەرە باستادى.
- ءىرى كولەمدەگى اۋىر جۇك كولىكتەرىن تىزگىندەۋ وڭاي ەمەس. وعان قوسا تاجىريبەلىك ساباقتار ءۇشىن كۇردەلى جاعدايلار جاسالدى: «گاباريتتى توننەل», «گاباريتتى «سەگىزدىك», «تۇيىق ەستاكادا», «گاباريتتى اۋلا», «جاسىرۋ», «يرەلەڭ جول», «شەكتەۋلى قيسىق», «پلاتفورما» سەكىلدى ءارتۇرلى كەدەرگىلەر قويىلعان. سونىڭ ناتيجەسىندە كۋرسانتتار اسكەري اۆتوموبيل تەحنيكاسىن جۇرگىزۋ بويىنشا ءوز داعدىلارىن جەتىلدىرەدى, - دەدى جالپىاسكەري پاندەر كافەدراسىنىڭ وقىتۋشىسى پودپولكوۆنيك تالعات انەفياەۆ.
رەجباي ءباسپاسوز قىزمەتىنىڭ مالىمەتى بويىنشا, اۆتوموبيلدەردىڭ قوزعالىس باعىتى بويىندا جول بەلگىلەرى ورناتىلىپ, تەمىرجول وتكەلى جابدىقتالدى. قوزعالىس بارىسىندا ءتۇرلى جول جاعدايلارى ورىن الادى: جولدا كۇتپەگەن كەدەرگىلەردىڭ پايدا بولۋى, ءاۆتوموبيلدىڭ الدىڭعى اينەگىنە سۋ شاشۋ سياقتى جانە ت.ب.
وعان قوسا كۋرسانتتار جول قوزعالىسى ەرەجەلەرى بويىنشا بىلىمدەرىن جەتىلدىرىپ, دوڭگەلەكتى ماشينالاردى پراكتيكالىق جۇرگىزۋدى ۇيىمداستىرۋ جانە جۇرگىزۋ ادىستەمەسىن ۇيرەنەدى.
كۋرسانتتاردىڭ ايتۋىنشا, سىرت كوزگە مۇنداي تەحنيكانى جۇرگىزۋ وڭاي كورىنگەنىمەن, ونىڭ ءوز ەرەكشەلىكتەرى مەن قيىندىقتارى جەتەرلىك. اۋىر كولىكتى جۇرگىزۋشى عانا ونىڭ گاباريتىن, بۇرىلۋ راديۋسىن ەسكەرۋ كەرەكتىگىن باستى نازاردا ۇستايدى. كۋرسانتتاردىڭ وسى ساباقتاردا العان ءبىلىمى, شەبەرلىگى مەن داعدىلارى كەلەشەكتە اسكەري اۆتوموبيل تەحنيكاسى قارۋ-جاراق پەن اسكەري تەحنيكانى مونتاجداۋ جانە ماتەريالدىق قۇرالدار مەن جەكە قۇرامدى تاسىمالداۋ ءۇشىن قاجەت.