وتكەن جىلى «باستاۋ بيزنەس» باعدارلاماسى اياسىندا بىرقاتار اقمولالىق وزدەرىنىڭ ىسكەرلىك يدەيالارىن جۇزەگە اسىردى.
باعدارلاما اياسىندا زەرەندى اۋدانىنىڭ تۇرعىنى رايحان سارسەنباەۆا دا كاسىپكەر تانۋعا نيەتتەنىپتى. اۋەلى شاعىن كاسىپ اشىپ, جولداسى ەكەۋى قاز وسىرۋمەن اينالىسا باستاعان. بۇگىندە كاسىبى وتباسىلىق بيۋدجەتكە ءتاپ-ءتاۋىر قولداۋ بولىپ وتىر. ۇيدەگى وي وڭىنان ىسكە اسقان سوڭ وتباسى كەلەسى جىلى شاعىن كاسىپتى كەڭەيتۋدى جوسپارلاپ وتىر.
رايحان سارسەنباەۆا اۋىلدا كاسىپ اشىپ, ونى تابىستى ەتۋ دەگەن وي ءۇش ۇيىقتاسا تۇسىنە كىرمەگەن. وتكەن جىلى «باستاۋ بيزنەس» باعدارلاماسى بويىنشا گرانتتىق قارجىلاندىرۋعا يە بولعان. بۇگىنگى كۇنى كاسىبىن دوڭگەلەتىپ وتىر. كەيىپكەرىمىزدىڭ كاسىبى زاماناۋي ۇلگىدەگى بيزنەسۆۋمەنگە مۇلدەم ۇقسامايدى. دەسە دە, ول ءوزى تاڭداعان كاسىپتىڭ حاس شەبەرىنە اينالعانداي.
– 250 مىڭ تەڭگە كولەمىندەگى گرانتقا 170 قاز ساتىپ الدىم. العاشقى كاسىپتىڭ باستاۋى قاراشا جانە جەلتوقسان ايلارىنا ءدوپ كەلدى. كەيىن تاعى دا 100 قاز ساتىپ الدىق. الداعى ۋاقىتتا قۇس سانىن كوبەيتە تۇسپەكپىز. قاز باسىن كوبەيتۋ ءۇشىن انالىق قازداردى الىپ قالامىز, – دەيدى كاسىپكەر رايحان سارسەنباەۆا.
ءبىر ماۋسىمدا 100 قازدان 300 مىڭ تەڭگە تازا پايدا كورەدى ەكەن. جولداسى مۇرات قاز ءوسىرۋ ءتيىمدى بيزنەس ءتۇرى ەكەنىن ايتادى. ەڭ باستىسى ەرىنبەي, كۇتىپ-باپتاۋ.
– العاشقى ەكى اپتا جەم-سۋىن بەرىپ ءوسىرىپ الامىز. 100 بالاپانعا 30 كەلى قورەك كەرەك. سودان كەيىن ارپامەن, ۇساقتالعان بيداي بەرە باستايمىز. ءۇيىمىزدىڭ جانىندا كەڭ جايىلىم بولعانى جاقسى بولىپ تۇر, – دەيدى كاسىپكەر مۇرات سارسەنباەۆ.
قاز ءوسىرىپ, ەتىن ساتۋ ءتيىمدى كاسىپ ءتۇرى. العاشقى بالاپانداردى ساتىپ الۋعا كەتكەن قاراجات اقتالادى, - دەيدى كاسىپكەرلەر.