ش.ايمانوۆ اتىنداعى «قازاقفيلم» كينوستۋدياسى YouTube-تەگى رەسمي ارناسىنا اباي قۇنانباەۆتىڭ 175-جىلدىعىنا وراي, ۇلى اقىننىڭ ءومىرى مەن شىعارماشىلىعى تۋرالى فيلمدەردى اشىق كورسەتىلىمگە شىعاردى.
جەلى قولدانۋشىلارى ەندى كەز-كەلگەن ۋاقىتتا «اباي. ءومىرى مەن شىعارماشىلىعى» (رەجيسسەر ت. ارگانچەەۆ, 1983), مۇحتار اۋەزوۆتىڭ رومانى نەگىزىندە تۇسىرىلگەن «اباي اندەرى» كوركەم ءفيلمىن (رەجيسسەرلەرى ەفيم ارون جانە گريگوري روشال, 1945), سونىمەن بىرگە اقىننىڭ جاس كەزى تۋرالى باياندايتىن «اباي» ءفيلمىن (رەجيسسەر ارداق امىرقۇلوۆ, 1995) تاماشالاي الادى. سوڭعى اتالعان فيلم كورەرمەندەردىڭ ىستىق ىقىلاسىنا بولەنىپ, كوپتەگەن بەدەلدى كينوفەستيۆالدەردە توپ جارعان.
«اباي قۇنانباەۆ تۋرالى فيلمدەر» توپتاماسىندا ابايدىڭ اكەسى قۇنانباي وسكەنباي ۇلىنىڭ تاعدىرى تۋرالى باياندايتىن «قۇنانباي» (رەج. دوسحان جولجاكسىنوۆ, 2016) ءفيلمى دە بار. ايتا كەتۋ كەرەك, 2016 جىلى ءفيلمدى تۇسىرۋگە ات سالىسقان شىعارماشىلىق توپ ادەبيەت پەن ونەر سالاسىندا مەملەكەتتىك سىيلىققا يە بولدى. سىيلىقتى ستسەناريدىڭ تەڭ اۆتورى, رەجيسسەرى – د.جولجاقسىنوۆ, قويۋشى رەجيسسەرى – ر.وديناەۆ سونداي-اق اكتەرلەر – ن.سالىقوۆا مەن ا.بەكتەمىر الدى.
كينوسۇيەر قاۋىم ايتۋلى كوركەمتۋىندىلاردى مىنا سىلتەمەگە وتىپ تاماشالاي الادى.
تاعىلىمدى جوبادان تاماشا اسەر الۋلارىڭىزعا تىلەكتەسپىز!