تاريح جانە قۇقىق ينستيتۋتى ديرەكتوراتىنىڭ ۇيىمداستىرۋىمەن ءبىتىرۋشى تۇلەكتەر ءۇشىن ماگيستراتۋراعا جانە دوكتورانتۋراعا ءتۇسۋ تالاپتارى مەن ەرەجەلەرىن ءتۇسىندىرۋ ماقساتىندا ZOOM باعدارلاماسى ارقىلى ۆەبينار ءوتتى.
ۆەبينارعا قاتىسقان اباي اتىنداعى قازۇپۋ-دىڭ پروفەسسور-وقىتۋشىلارى, ينستيتۋت ديرەكتوراتى مەن كاسىپتىك باعدار بەرۋ جانە ءبىلىم الۋشىلاردى قابىلداۋ ورتالىعىنىڭ ديرەكتورى نۇرمۇحان اۋەسبەك ۇلى جانە 4 كۋرس ستۋدەنتتەرى مەن 2 كۋرس ماگيسترانتتارى نەگىزى تالاپتاردى تالقىلاۋ بارىسىنا قاتىستى.
ۆەبينار بارىسىندا ينستيتۋت ديرەكتورىنىڭ عىلىمي ىستەر جانە حالىقارالىق قاتىناستار جونىندەگى ورىنباسارى مۇحتار مۇراتقازين تالاپكەرلەردىڭ قۇجاتتارىن قابىلداۋ, ماگيستراتۋرا مەن دوكتورانتۋراعا تاپسىرۋدىڭ تالاپتارى مەن ەرەجەلەرىن, ماگيستراتۋراعا ءتۇسۋدىڭ كەشەندى تەستىلەۋ قۇرىلىمى, ءبىتىرۋشى تۇلەكتەرگە اقىلى بولىمگە تۇسكەن جاعدايدا ۋنيۆەرسيتەت تاراپىنان كورسەتىلەتىن جەڭىلدىكتەر جونىندە سلايد ارقىلى ءتۇسىندىرۋ جۇمىستارىن جۇرگىزدى. ينستيتۋت ديرەكتورىنىڭ وقۋ ءىسى جونىندەگى ورىنباسارى داريا اسىموۆا مەن كاسىپتىك باعدار بەرۋ جانە ءبىلىم الۋشىلاردى قابىلداۋ ورتالىعىنىڭ ديرەكتورى نۇرمۇحان اۋەسبەك ۇلى ءسوز كەزەگىن الىپ, ماگيستراتۋرا مەن دوكتورانتۋرانىڭ ءبىلىم بەرۋ باعدارلامالارىنداعى وزگەرىستەر تۋرالى, حالىقارالىق تىلدىك سەرتيفيكاتتاردىڭ قاجەتتى دەڭگەيى, شەكتى بالل جانە قۇجات تاپسىرۋ مەرزىمى تۋرالى اقپاراتتار بەرىپ ءوتتى.
ۆەبينار سوڭىندا بىتىۋشىلەردىڭ سۇراقتارىنا نۇرمۇحان اۋەسبەك ۇلى, مۇحتار مۇراتقازين, داريا اسىموۆا, نۇربولات ماناپباەۆ جاۋاپ بەرىپ, قوسىمشا اقپاراتتارمەن تولىقتىردى.