ەلدە توتەنشە جاعداي جاريالانعان كەزەڭنەن بەرگى ارالىقتا ازىق-ت ۇلىك باعاسى قىمباتتاپ, تۇرعىنداردى الداعى ۋاقىتتا قالاي بولادى دەگەن ساۋالدار ءجيى مازالاي باستادى. ەل ۇكىمەتى باعانى ۇستاپ تۇرۋعا ۋادە ەتكەنىمەن, قىمباتشىلىق قازاقستاندىقتاردىڭ وتباسىلىق بيۋدجەتىنە ايتارلىقتاي سالماق ءتۇسىرىپ وتىر.
قازىرگى كەزدە الەۋمەتتىك ناننىڭ ءوزىن قالىپتى باعادان 5-10 تەڭگەگە قىمبات ساتىپ جاتقان ايماقتار بار. وسى ورايدا Ranking.kz ساراپشىلارى قازاقستاندىقتاردىڭ ءساۋىر ايىنداعى شىعىندارىن ەسەپتەپ, جالاقىنىڭ قانشا پايىزى ازىق-ت ۇلىككە كەتكەندىگىن ساراپتادى.
ءساۋىر ايىندا قازاقستاندىقتار بولشەك ساۋدا وبەكتىلەرىندە 495,7 ملرد. تەڭگە جۇمساعان. بۇل وتكەن جىلدىڭ ءساۋىر ايىمەن سالىستىرعاندا 40,9%-عا از. ينفلياتسياعا بايلانىستى ساۋدا كولەمى جىلىنا 44,7% قۇراپ وتىر. ال قاڭتار-ءساۋىر ايلارىندا بولشەك ساۋدا 2,87 ترلن تەڭگەنى قۇراسا, بۇل وتكەن جىلدىڭ ءبىرىنشى توقسانىمەن سالىستىرعاندا 5,9%-عا تومەن. «ساۋىردە بولشەك ساۋدانىڭ جالپى كولەمىندەگى تاماق ونىمدەرىنىڭ ۇلەسى 255,4 ملرد تەڭگەنى قۇراعان (51,5%). سالىستىرا كەلگەندە جىلدىڭ ءبىرىنشى توقساندا قازاقستاندىقتار جاساعان ساۋدانىڭ 36,6%-ى ازىق-ت ۇلىككە تيەسىلى. ساراپشىلار ادەتتە تاماق ونىمدەرى بولشەك ساۋدانىڭ جالپى كولەمىنىڭ ۇشتەن ءبىر بولىگىن قۇرايتىندىعىن ايتادى.
ءساۋىر ايىندا ەلدە ازىق-ت ۇلىكپەن قاتار جۋاتىن جانە تازارتاتىن تاۋارلار 1,5-3,6%-عا وسكەن. ءبىر عانا كىر جۋاتىن ۇنتاقتىڭ باعاسى ءبىر جىل ىشىندە شامامەن 18% قىمباتتاعان.