شاكىرتتەرىن شىڭعا باستاعان مەكتەپ

ءار وقۋشىنىڭ ۇلكەن ءومىر جولىندا تۇلعا بولىپ قالىپتاسۋىنا جەتەلەۋدە ۇجىم باسشىسى قازاقستاننىڭ ءبىلىم بەرۋ ءىسىنىڭ ۇزدىگى قايراتبەك شاديەۆ  ءبىلىم ورداسىنىڭ جاڭاشىل باعىتتا دامۋىنا بارىنشا كۇش سالىپ كەلەدى.  №178 ليتسەي الاتاۋ اۋدانىنداعى ەڭ كوپ جەڭىمپازدار شىققان مەكتەپ رەتىندە بيىكتەردەن كورىنىپ ءجۇر. تۇلەكتەرى «بولاشاق» باعدارلاماسىنىڭ گرانتىمەن شەتەلدەردە ءبىلىم الۋدا. ولار ەلىمىزدەگى تاڭداۋلى وقۋ ورىندارىمەن قاتار, رەسەيدە, ارىسى امەريكا, انگليا, كورەيادا ءبىلىم الىپ, ەلىمىزدەگى مينيسترلىكتەر مەن اكىمدىكتەردە, ءتۇرلى باسقارمالاردا ءار سالا بويىنشا جەمىستى ەڭبەك ەتۋدە. ليتسەيدىڭ شاكىرتتەرى قالالىق, رەسپۋبليكالىق, حالىقارالىق ءبىلىم, ونەر, سپورت سايىستارىندا ۇنەمى جەڭىمپازدار قاتارىنان تابىلۋدا. سوڭعى ءۇش جىلدىڭ ىشىندە وقۋشىلاردىڭ عىلىمي جوبالارى مەن پاندىك وليمپيادالار سايىسىندا حالىقارالىق دەڭگەيدە – 27, رەسپۋبليكالىق دەڭگەيدە – 18 شاكىرتى جەڭىمپاز اتاندى. بۇگىندە ليتسەي وقۋشىلارى ءۇشىن تەرەڭدەتە وقىتاتىن كۋرستار, فاكۋلتاتيۆتەر, ۇيىرمەلەر تۇراقتى وتكىزىپ كەلەدى. مەكتەپ وقۋشىلارىنىڭ پاندىك وليمپيادالار مەن سپورتتىق سايىستاردا دا جۇلدەلى ورىنداردى باعىندىرىپ جۇرگەندىگى, جىل سايىن ۇبت-دا جوعارى كورسەتكىشتەرگە قول جەتكىزىپ جۇرگەندىگى قۋانتادى. مىسالى, ليتسەي وقۋشىلارى ءحى ەۋرازيالىق وليمپيادانىڭ جەڭىمپازى مەن جۇلدەگەرلەرى اتانعان. سونداي-اق, قر ءبىلىم جانە عىلىم مينيسترلىگى جاراتىلىستانۋ-ماتەماتيكالىق باعىتتاعى پاندەر بويىنشا رەسپۋبليكالىق وليمپيادا جۇلدەلى ورىندارعا يە بولىپ ءجۇر. سونىمەن قاتار ليتسەيدىڭ بيولوگيا ءپانى مۇعالىمى ايداروۆا ايدانا,  الاتاۋ اۋدانى ۇيىمداستىرعان «پەداگوگيكالىق يدەيالار فەستيۆالى» بايقاۋىنا قاتىسىپ ءى ورىن يەگەرى اتاندى. فيزيكا ءپانىنىڭ مۇعالىمi گۇلنار سليامعاليەۆا پرەزيدەنتتىڭ العىسىنا يە بولسا, قازاق ءتىلى مەن ادەبيەتى ءپəنى مۇعالىمى قايىرباي قانات «ۇزدىك پەداگوگ-2019» رەسپۋبليكالىق كونكۋرسىنىڭ جۇلدەگەرى اتاندى. قازاق ءتىلى مەن ادەبيەتى ءپانىنىڭ مۇعالىمى يساباەۆا بالميرا اباي قۇنانباي ۇلىنىڭ  175 جىلدىق مەرەيتويىنا وراي ءبىلىم بەرۋ مەن وقۋشىلارى اراسىندا وتكەن  «اباي مۇراسى  – قازاقتىڭ قاسيەتتى قازىناسى» حالىقارالىق بايقاۋىنىڭ جەڭىمپازى اتانىپ, ماقالاسى ماتەريالدار جيناعىنا ەندى. سونداي-اق, قر «Bilim órkenieti» ۇلتتىق يننوۆاتسيالىق  عىلىمي-زەرتتەۋ ورتالىعى اتىنان ءبىلىم مەن عىلىم سالاسىنا قوسقان ايرىقشا ەڭبەگى جانە اباي مۇراسىنا دەگەن قۇرمەتى ءۇشىن «اباي قۇنانباي ۇلى»  توسبەلگىسىمەن ماراپاتتالىپ, ارنايى كۋالىكتىڭ يەگەرى اتاندى.

 «ۇستازدىڭ لاۋلاعان جالىنى – ءار جۇرەككە جىلۋ سەۋىپ, نۇر قۇياتىن قۋاتتىڭ, ءومىردىڭ قاينار كوزى» دەمەكشى, مۇعالىم تاربيەسى مەن ونەگەسى – وقۋشىنىڭ بولاشاق ازىعى. قايراتبەك حامزاحان ۇلى باسشىلىق ەتەتىن ليتسەي فيزيكانى, روبوتوتەحنيكانى وقىتۋدا ء«سوز ۇيرەتپەيدى, ارەكەت ۇيرەتەدى» ۇستانىمىندا. «فيزيكا مەن ماتەماتيكا – گۋماندىق ءپان بولعاندىقتان, ونى مەڭگەرگەن ادامنىڭ ويلاۋ مادەنيەتى جانە ادامنىڭ ادامگەرشىلىگى دە جوعارى بولادى, جامان ىستەرگە بارمايدى» دەپ بىلەتىن ليتسەي ۇجىمى  ينتەللەكتۋالدى تۇلعا قالىپتاستىرىپ, جاس ۇرپاقتىڭ تاربيەسىنە بارىنشا نازار اۋدارىپ كەلەدى. اقش-تىڭ ەكونوميكالىق ءبىلىم بەرۋ جونىندەگى ۇلتتىق كەڭەستىڭ ترەنەرى, «ەكونوميكا نەگىزدەرى جانە قارجى ساۋاتتىلىعى» باعدارلاماسى مەن «مەنەدجمەنت جانە ەكونوميكالىق مودەلدەۋ», «تيتان», «بانكتەر ءىس-ارەكەتتەر بارىسىندا» Junior Achievement Worldwide حالىقارالىق باعدارلامالارى بويىنشا ادىسكەر-مۇعالىم رەتىندە بەلگىلى قايراتبەك حامزاحان ۇلى باسقارىپ وتىرعان ۇجىم رەسپۋبليكا بويىنشا جانە الماتى قالاسى مۇعالىمدەرىمەن بىرگە پەداگوگيكالىق بىلىكتىلىكتەرىن يننوۆاتسيا تۇرعىسىنان دامىتۋ ىسىنە بەلسەنە اتسالىسۋدا. 

«كوپتى جامان باسشى توزدىرادى, جاقسى باسشى وزدىرادى» دەگەن حالىق  دانالىعىنا سۇيەنەتىن بولساق, وقۋشىلار مەن اتا-انالاردىڭ ليتسەي ۇجىمىنا ايتار العىسى شەكسىز. مەكتەپ ۇجىمىنىڭ بيىك مەجەلەردى باعىندىرۋداعى كەلەلى جوسپارلارىنىڭ ارقاسىندا ءارى بىلىكتى باسشى قايراتبەك حامزاحان ۇلىنىڭ تالاپ قويعىشتىعىنىڭ ارقاسىندا مپەكتەپ وقۋشىلارى جوعارى جەتىستىكتەرگە جەتۋگە تىرىسادى. مەكتەپتىڭ دە, ۇستازدىڭ دا, ءاربىر وقۋىشىنىڭ دا جەتكەن جەتىستىگى اتالعان ءبىلىم ورداسىنداعى ساپالى جۇرگىزىلگەن جەتىستىك باعدارلاماسىنىڭ نەگىزى. مەكتەپتەگى ءاربىر مۇعالىمىنىڭ پەداگوگيكالىق ەڭبەك جولى, وقۋ-ادىستەمەلىك بەينەسى مەن تابىسى, شاكىرتتەرىنىڭ قول جەتكىزگەن ناتيجەلەرىن ارنايى جەكە-جەكە جازىپ شىقسا ارتىق بولماس. ۇستاز ءۇشىن ودان ارتىق سىي بولماس! وسىنداي باسشىعا جانە مارتەبەسى جوعارى پەداگوگيكالىق ۇجىمعا دەنساۋلىق, تۆورچەستۆولىق شابىت, ەڭبەكتە جەمىس تىلەيمىن», دەيدى 11 «ج» سىنىبىنىڭ وقۋشىسى ابدىجالەلقىزى ماحابباتتىڭ اناسى ساۋلە تابالدينوۆا.

وقۋشىنىڭ تۇلعا رەتىندە قالىپتاسۋىندا ءبىلىم مەن يننوۆاتسيا ۇشتاستىرا بىلگەن ۇجىمنىڭ الداعى ىستەرىنە ساتتىلىك تىلەگەن اتا-انالار الداعى ۇبت-دا ليتسەي وقۋشىلارى جوعارى كورسەتكىشتەرىمەن ەرەكشەلەنەدى دەگەن سەنىمدە.