PepsiCo كومپانياسى قازاقستاندا, قىرعىزستاندا, وزبەكستاندا, رەسەيدە, بەلارۋسسيادا, ۋكراينادا جانە كاۆكازدا COVID-19-مەن كۇرەسۋ ءۇشىن شامامەن 5 ميلليون دوللار كولەمىندە قايىرىمدىلىق جاسايدى.
كومپانيا PepsiCo قورى بەرەتىن قاراجات مەديتسينالىق قىزمەت سالاسى مەن ءالسىز توپتاردى قولداۋعا جۇمسالاتىن بولادى. PepsiCo كومپانياسىنىڭ بەلارۋس, ۋكراينا, كاۆكاز جانە ورتالىق ازيا پرەزيدەنتى نەيل ستارروك COVID-19-مەن كۇرەسكە قولداۋ بىلدىرە وتىرىپ, ايماقتاعى ەڭ ءىرى تاماق جانە سۋسىن وندىرۋشىلەرىنىڭ ءبىرى رەتىندە كومپانيا قىزمەتكەرلەردىڭ قاۋىپسىز جۇمىسىن جانە ازىق-ت ۇلىك دۇكەندەرىن ۇزدىكسىز جەتكىزۋدى قامتاماسىز ەتە وتىرىپ, قايىرىمدىلىق باستامالارعا دا اتسالىساتىندىعىن اتاپ ءوتتى.
كومپانيا اۋرۋحانالار مەن مەديتسينالىق پەرسونال ءۇشىن مەديتسينالىق جابدىقتار مەن جەكە قورعانىس قۇرالدارىن ساتىپ الۋعا قارجىلىق كومەك كورسەتەدى. سونىمەن قاتار دارىگەرلەر مەن قازاقستان, قىرعىزستان, وزبەكستان, رەسەي, بەلارۋس, ۋكراينا جانە كاۆكازداعى وقشاۋلانعان ادامدارعا كومپانيا ونىمدەرى مەن ازىق-ت ۇلىك تاراتادى.
قازاقستاندا بولىنگەن قاراجات (45 ملن تەڭگەدەن استام) مەديتسينالىق مەكەمەلەردى قولداۋعا, اتاپ ايتقاندا, مەديتسينالىق پەرسونالدى جەكە قورعانىس قۇرالدارىمەن قامتاماسىز ەتۋگە جانە ولار ءۇشىن ازىق-ت ۇلىك پاكەتتەرىن بەرۋگە جۇمسالادى. سونىمەن قاتار, ءوزىن-ءوزى وقشاۋلاۋ جاعدايىنداعى مۇقتاج جاندارعا ازىق-ت ۇلىك پاكەتتەرى بەرىلەدى. قازاقستانداعى بۇل كومەكتى PepsiCo جانە قازاقستان قىزىل جارتى ايىمەن بىرلەسىپ كورسەتەدى.