«ورلەۋ» باۇو» اق توراعاسى احمەتوۆا گۇلناس كەنجەتايقىزى باستاعان «ارداگەرلەردى ارداقتايىق» پارتيالىق جوبا شەڭبەرىندە «ورلەۋ» باۇو» اقف الماتى قالاسى بويىنشا پقباي ديرەكتورى سادۆاكاسوۆا رايسا اجدارقىزىنىڭ باستاماسىمەن «ۇستازدار ءۇيىنىڭ» قىزمەتكەرلەرى پەرۋزا اسىلبەك, نازەركە قارابالاەۆا, زامزاگۋل وميراليەۆا ۇلى وتان سوعىسىنىڭ ارداگەرلەرىمەن كەزدەسىپ, جەڭىس كۇنىمەن قۇتتىقتادى.
ولار «ۇوس ارداگەرلەرى, تىلداعى ەڭبەككەرلەر جانە سوعىس بالالارى كەڭەسى» قق-نىڭ مەنەدجەرى قاڭتارباەۆا ماينۇر اپايدىڭ ۇسىنىسىمەن اۋەزوۆ اۋدانىنىڭ تۇرعىندارى, ۇلى وتان سوعىسىنىڭ باتىرلارى: حولكينا ۆارۆارا فەدوروۆنانى, شاپوۆالا گريگوري ەفيموۆيچتى, كەرىمقۇلوۆ جاڭبىرباي كەرىمقۇل ۇلىن, اسقارباەۆ جارقوشى ناۋرىزباي ۇلىن جەڭىس كۇنىمەن قۇتتىقتاپ, سىيلىقتارىن ۇسىندى. جاستىق شاعىن مايدان دالاسىندا وتكەرگەن ارداگەرلەر سۇراپىل سوعىس جىلدارىن, ەسكە الدى.
ارداگەر كەرىمقۇلوۆ جاڭبىرباي 18 جاسىندا وڭتۇستىك باتىس فرونتىندا «كاتيۋشا» زەڭبىرەگىنىڭ وقتاۋشىسى بولعانىن, ۋكراين, دنەپر, پولشا, بولگاريا جەرىن فاشيستەردەن ازات ەتۋ جورىعىنا قاتىسىپ, ەلگە 1947 جىلى ورالعانىن باياندادى. ال, اسقارباەۆ جارقوشى اتامىزدىڭ ۇلى وتان سوعىسىنداعى جاۋىنگەرلىك مىندەتتى بەرليننەن اسىپ, جاپون سوعىسىنا جالعاسقان ەكەن. وسىنداي اتالارىمىزدىڭ بەيبىت ءومىر ءۇشىن قان مايداندا ارپالىسقان, ۇرىس دالاسىندا جولبارىستاي ايقاسقان ەرلىگى ۇرپاقاتان ۇرپاققا امانات. ارداگەرلەر جەڭىس كۇنىمەن قۇتتىقتاپ كەلگەن ۇجىمعا ريزاشىلىق سەزىممەن العىستارىن ءبىلدىردى.
بۇگىنگى ۇرپاق تاۋەلسىز ەلىمىزدىڭ بەيبىت ءومىرى ءۇشىن قان كەشىپ, مۇز جاستانعان جاۋىنگەردىڭ قاسيەتتى رۋحىنا ماڭگى قارىزدار. ەرلىگى اڭىزعا اينالعان ارداگەرلەرىمىزگە تاعزىم ەتەمىز. جاۋىنگەر داڭقى وشپەيدى.