بۇل تۋرالى ءبىلىم جانە عىلىم ءمينيسترى اسحات ايماعامبەتوۆ حابارلادى.ء مينيستردىڭ مالىمدەۋىنشە, بيىلدان باستاپ كوللەدجدەر مەن جوعارى وقۋ ورىندارىنا قابىلداۋ اۆتوماتتاندىرىلعان رەجيمدە قولجەتىمدى.
– ەندى بالالارعا قۇجاتتاردى قاعاز تۇرىندە تاپسىرۋدىڭ قاجەتى جوق, ءاربىر بولاشاق ستۋدەنت ءوزى ءۇشىن تاڭداعان كوللەدجدىڭ جانە جوو-نىڭ سايتتارى نەمەسە «ەلەكتروندىق ۇكىمەت» پورتالى ارقىلى قۇجاتتارىن تاپسىرا الادى. قۇجات تىگەتىن پاپكالاردى, كونۆەرتتەردى ساتىپ الۋ, قاعاز انىقتامالاردى تاپسىرۋ, تاڭ اتپاستان جوعارى وقۋ ورىندارى مەن كوللەدجدەردىڭ قابىلداۋ كوميسسيالارىندا كەزەكتە تۇرۋ نەمەسە باسقا ەلدى مەكەنگە بارۋدىڭ قاجەتى جوق. مۇنىڭ ءبارى ەندى وڭاي جانە ىڭعايلى بولادى, سايتقا كىرىپ, ءبىر تەتىكتى باسۋ ارقىلى بارلىق قۇجاتتاردى جىبەرۋگە بولادى, – دەدى مينيستر.