بۇل سۇراققا ءبىلىم جانە عىلىم مينيسترلىگى جاۋاپ بەردى. ءبارىمىز بىلەتىندەي, ۇبت-عا ءوتىنىش قابىلداۋ مەرزىمى 10 مامىردا اياقتالدى. دەگەنمەن ەكى جاعدايدا تالاپكەرلەرگە 15 مامىرعا دەيىن ءوتىنىش بەرۋگە بولادى.
ولار: قازاقستان رەسپۋبليكاسىنىڭ ازاماتى بولىپ تابىلمايتىن ۇلتى قازاق جانە شەتەلدەگى وقۋ ورنىن بىتىرگەن ادامدار.
بۇدان بولەك مينيسترلىك تاراتقان اقپاراتتا:
«حالىق كوپ شوعىرلانعان جەرلەرگە بارۋدى بولدىرماۋ ماقساتىندا ۇلتتىق بىرىڭعاي تەستىلەۋگە وتىنىشتەردى قابىلداۋ 2020 جىلدىڭ 15 ءساۋىرى مەن 10 مامىر ارالىعىندا ونلاين جانە ءداستۇرلى تۇردە وتكىزىلدى.⠀ۇبت-عا قاتىسۋعا نيەت بىلدىرگەن ازاماتتاردىڭ سانى 131 471 ادامدى قۇرايدى, ونىڭ ىشىندە 111 017 – بيىلعى وقۋ جىلىنىڭ مەكتەپ تۇلەكتەرى, 20 454 – كوللەدج جانە وتكەن وقۋ جىلدارىنىڭ مەكتەپ تۇلەكتەرى.⠀ۇبت-عا قاتىسۋعا 100 مىڭنان اسا ءوتىنىش ونلاين تۇردە بەرىلدى», دەلىنگەن.