الماتىدا كارانتين كەزىندە بالاباقشالار شتابتىڭ تالاپتارىن ەسكەرۋى قاجەتتىگى تۋرالى قالانىڭ باس مەملەكەتتىك سانيتارلىق دارىگەرى جانداربەك بەكشين حابارلادى.
ونلاين بريفينگ بارىسىندا باس سانيتار ءار بالاباقشادا 50 پايىز عانا بالا توپتالعان جاعدايدا توپتاردى اشۋعا رۇقسات بەرىلەتىندىگىن جەتكىزدى.
«سوندا عانا بالاباقشادا اۋرۋ تارالۋ مۇمكىندىگى تومەندەيدى. بالاباقشالارعا دەزينفەكتسيالىق سانيتارلىق تالاپتاردى كۇشەيتىپ جاتىرمىز. ءار بالاباقشا 15 مينۋت-1 ساعات ىشىندە جەلدەتىلۋى ءتيىس. ويىنشىقتاردى, ەسىك تۇتقالارىن 2 رەت وڭدەۋ تالاپ ەتىلەدى. بالالارعا جۇمساق ويىنشىقتاردى بەرۋگە تىيىم سالىنادى. بالالاردىڭ جاتىن ورىندارىندا ءار توسەكتىڭ اراسى 1 مەتر بولۋ كەرەك», - دەپ اتاپ ءوتتى جانداربەك بەكشين.
بارلىق بالاباقشالارعا باكتەريتسيدتى لامپا, اۋا تازالايتىن رەتسەركۋلياتور ورناتۋعا كەڭەس بەرگەن باس سانيتارلىق دارىگەر «تاربيەشىلەر مەن قىزمەتكەرلەرگە دە مىندەتتى تۇردە قولعاپ پەن ماسكا تاعۋ تالاپ ەتىلەدى. بالالاردى بالاباقشاعا جۇكتى ايەلدەر مەن قارت ادامدارعا اكەلۋگە رۇقسات بەرىلمەيدى. ويتكەنى, جۇقتىرۋ قاۋپى جوعارى. ءار اۋداندا وسى تالاپتاردى قاداعالاۋ ءۇشىن ارنايى توپتار قۇرىلادى. بۇل ءۇشىن ءار اۋدانداردا بالاباقشالاردى قابىلداۋشى ارنايى توپتار قۇرىلادى. ولارعا ءبىلىم ءبولىمىنىڭ قىزمەتكەرلەرى, اۋداندىق سانيتارلىق مەكەمە قىزمەتكەرلەرى كىرەدى. ولار بىرلەسىپ بارلىق باقشالاردى قاراپ شىعادى. تەكسەرۋ بارىسىندا زاڭ بۇزۋشىلىقتار تىركەلسە ولار اكىمشىلىك جاۋاپكەرشىلىككە تارتىلادى. ءتىپتى بالاباقشا جابىلادى», - دەپ اتاپ ءوتتى.