اباي اتىنداعى قازۇۋ-دا ينكليۋزيۆتى ءبىلىم بەرۋ ۆيرتۋالدى زەرتحاناسىنىڭ ءۇشىنشى ۆەبينارى ءوتتى. «جالپى ءبىلىم بەرۋ كەڭىستىگىنە ەرەكشە ءبىلىم قاجەتتىلىكتتەرى بار بالالاردى ەنگىزۋ شارتتارى» تاقىرىبىنا ارنالعان ۆەبيناردى قر جوعارى وقۋ ورىندارىندا ينكليۋزيۆتى ءبىلىم بەرۋدىڭ رەسۋرستىق كەڭەس بەرۋ ورتالىعىنىڭ ديرەكتورى ز.ا. موۆكەباەۆا جۇرگىزدى.
اباي اتىنداعى قازاق ۇلتتىق پەداگوگيكالىق ۋنيۆەرسيتەتى عىلىم دەپارتامەنتىنىڭ ديرەكتورى س.ق. ساحيەۆ ۆەبينارعا قاتىسۋشىلاردى ۋنيۆەرسيتەتتىڭ ارنايى جانە ينكليۋزيۆتى ءبىلىم بەرۋ سالاسىنداعى زەرتتەۋلەر جۇرگىزۋدەگى قىزمەتى تۋرالى قىسقاشا تانىستىردى, الدىڭعى قاتارلى شەتەل مەملەكەتتەرىمەن ءوزارا قارىم-قاتىناس جانە ىنتىماقتاستىق تۋرالى ايتىپ ءوتتى. سونىمەن قاتار اباي اتىنداعى قازۇپۋ-دىڭ جوعارى جانە جوعارى وقۋ ورنىنان كەيىنگى ءبىلىم بەرۋ ۇردىسىنە ەرەكشە ءبىلىم قاجەتتىلىكتەرى بار ادامداردى كىرىكتىرۋ يدەيالارىن تاراتۋداعى جەتەكشى رولىنە توقتالدى.
ۆەبيناردا «تۇزەتۋ پەداگوگيكاسىنىڭ ۇلتتىق عىلىمي-پراكتيكالىق ورتالىعىنىڭ» ديرەكتورى عاليا اباەۆا ينكليۋزيۆتى ءبىلىم بەرۋدىڭ قازىرگى جاعدايىنا توقتالىپ, ءبىلىم بەرۋدەگى ينكليۋزيۆتىلىك قاعيداتىن ءىس جۇزىنە اسىرۋ ءۇشىن ءبىلىم بەرۋ ۇستانىمدارىن ۇسىندى جانە ۇزدىك ينكليۋزيۆتى پراكتيكانىڭ ولشەمدەرى مەن كورسەتكىشتەرىن ەگجەي-تەگجەيلى ايتىپ بەردى. ع.ءا.اباەۆانىڭ بايانداماسى تىڭدارمانداردىڭ ۇلكەن قىزىعۋشىلىعىن تۋدىردى, بايانداما سوڭىندا قاتىسۋشىلار سۇراقتار قويىپ, ەرەكشە ءبىلىم قاجەتتىلىكتەرى بار بالالارى جالپى ءبىلىم بەرۋ كەڭىستىگىنە قوسقاندا كەزدەسەتىن ماسەلەلەر تۋرالى قىزۋ پىكىرتالاس تۋدىردى.
ۆەبينارعا ى.التىنسارين اتىنداعى ۇعا-نىڭ, «ورلەۋ» باۇو اق, جشس «ابەو» ورتالىعىنىڭ وقىتۋشىلارى, قازاقستان رەسپۋبليكاسىنىڭ ءار ايماعىنداعى مەكتەپكە دەيىنگى جانە مەكتەپ, پسيحولوگيالىق-پەداگوگيكالىق تۇزەتۋ كابينەتتەرىنىڭ, پسيحولوگيالىق-مەديتسينالىق-پەداگوگيكالىق كەڭەس بەرۋ اكىمشىلىكتەرى مەن مۇعالىمدەرى, ۇكىمەتتىك ەمەس ۇيىمدار وكىلدەرى, جوو پروفەسسور-وقىتۋشىلار قۇرامى قاتىستى.
ۆەبينار اباي اتىنداعى كازۇپۋ جانىنداعى قر جوعارى وقۋ ورىندارىندا ينكليۋزيۆتى ءبىلىم بەرۋدىڭ رەسۋرستىق كەڭەس بەرۋ ورتالىعىندا ينكليۋزيۆتى ءبىلىم بەرۋ ۆيرتۋالدى زەرتحاناسىنىڭ كەڭەس بەرۋ-ادىستەمەلىك قىزمەتى اياسىندا ۇيىمداستىرىلدى.