تاريح جانە قۇقىق ينستيتۋتى قۇقىقتانۋ كافەدراسىنىڭ ۇيىمداستىرۋىمەن ZOOM پلاتفورماسىندا «Scopus بازاسىنداعى جۋرنالدا عىلىمي جۇمىستى قالاي جاريالاۋعا بولادى؟» عىلىمي ۆەبينارs ءوتتى. ۆەبينار ماقساتى - جاڭاشا ويلاۋعا قابىلەتتى عالىمداردى بىرىكتىرۋ, عىلىمي ديالوگ الاڭىن قۇرۋ.
ۆەبينارعا عىلىمي جۇمىس جانە حالىقارالىق ىنتىماقتاستىق جونىندەگى پرورەكتور اقتولقىن قۇلساريەۆا, تاريح جانە قۇقىق ينستيتۋتىنىڭ ديرەكتورى بولات جۇماعۇلوۆ, ينستيتۋتتىڭ پروفەسسور-وقىتۋشىلار قۇرامى, دوكتورانتتار مەن ماگيسترانتتار جانە تاقىرىپقا قىزىعۋشىلىق تانىتقان 70-كە جۋىق ىزدەنۋشى-عالىمدار قاتىستى.
ۆەبينار مودەراتورلارى كافەدرا مەڭگەرۋشىسى ەرمەك بۋريباەۆ پەن قاۋىمداستىرىلعان پروفەسسور نەسىبەلى قالقاەۆا بولدى.
ۆەبينار سپيكەرى پروفەسسور جاننا حامزينا عىلىمي جۇمىستى دايىنداۋ بارىسىنداعى وزەكتى ماسەلەلەرمەن ءبولىستى: جاريالانىم ءۇشىن قانداي قولجازبا قولايلى؟ ماقالا قۇرىلىمى; دۇرىس تۇجىرىمداردى پايدالانۋ; ءسىز ءوزىڭىزدىڭ عىلىمي جۇمىسىڭىزدى بەرۋگە دايىنسىز با؟ وتە قىزىق, ءارى وزەكتى ماسەلەلەردى ورتاعا سالدى.
جاستاردىڭ عىلىمي الەۋەتىن ارتتىرۋ قازاقستاندىق جوعارى وقۋ ورىندارىنىڭ باستى مۇددەسىنىڭ ءبىرى. بۇل تۇرعىدا اباي اتىنداعى قازاق ۇلتتىق پەداگوگيكالىق ۋنيۆەرسيتەتەتى دە ساپالى ءبىلىم بەرۋمەن قاتار, ىرگەلى عىلىمدى دامىتۋعا دا ۇلكەن ۇلەس قوسىپ كەلە جاتىر.
ۆەبينار بارىسىندا پروفەسسور-وقىتۋشىلار قۇرامى, دوكتورانتتار مەن ماگيسترانتتار تاقىرىپقا قاتىستى ءوز سۇراقتارى مەن ۇسىنىس-تىلەكتەرىن ورتاعا سالىپ, پىكىر-تالاس ۇيىمداستىردى. ۆەبينار جۇمىسىن قۇقىقتانۋ كافەدراسىنىڭ مەڭگەرۋشىسى ەرمەك بۋريباەۆ قورىتىندىلادى.
ۆەبينار قاتىسۋشىلارىنىڭ ءوتىنىشى بويىنشا عىلىمي جۇمىستى دايىنداۋ كەزىندە پايدالانۋعا ۆەبينار ماتەريالدارى ۇسىنىلدى.