بۇگىن ۇكىمەت وتىرىسىندا ۇلتتىق ەكونوميكا ءمينيسترى رۋسلان دالەنوۆ 2020 جىلعى ەلدەگى قاڭتار-ساۋىردەگى الەۋمەتتىك-ەكونوميكالىق دامۋ قورىتىندىسى جايىندا ءسوز ەتتى.
«2020 جىلعى قاڭتار-ءساۋىر بويىنشا ەلدىڭ ەكونوميكالىق دامۋى تاۋارلار ءوندىرىسى بويىنشا 5,8 پايىزعا ءوستى. سونىمەن قاتار كورسەتىلەتىن قىزمەتتەر 4,8 پايىزعا ازايدى. وسىنىڭ ناتيجەسىندە جالپى ىشكى ءونىم 0,2 پايىزعا تومەندەدى. قىزمەتتەر سالاسىنداعى تومەندەۋ قابىلدانعان كارانتيندىك شەكتەۋلەرمەن بايلانىستى. جىلدىق ينفلياتسيا 6,8 پايىزدى قۇرادى. ءوندىرىس سەكتورىنداعى ءوسۋ - 7 پايىزعا, كەن ءوندىرۋدىڭ ءوسۋى - 6 پايىزعا, قۇرىلىس سالاسى - 5,5 پايىز, اۋىل شارۋاشىلىعىنىڭ 2,2 پايىزعا ءوسۋى بايقالدى», دەدى رۋسلان دالەنوۆ.
ونىڭ ايتۋىنشا, قىزمەتتەر سەكتورى 4 پايىزعا تومەندەگەن.
«ونىڭ ىشىندە كولىك سەكتورى 11 پايىزعا, ساۋدا 8,9 پايىز, اكىمشىلىك قىزمەت كورسەتۋلەر 4 پايىز, جىلجىمايتىن م ۇلىكتەردە جاسالاتىن وپەراتسيالاردا 2,7 پايىزعا تومەندەدى. بۇل رەتتە بايلانىس قىزمەتتەرى قاڭتار-ساۋىردە 9,6 پايىزعا ارتتى. ەگەر ءساۋىردى جەكە قارايتىن بولساق, كارانتيندىك اي وتكەن جىلمەن سالىستىرعاندا, كورسەتىلەتىن قىزمەتتەر سالاسى 17,5 پروتسەنتكە تومەندەدى. اتاپ ايتقاندا ساۋدا جانە كولىك 3,1-گە, اكىمشىلىك قىزمەت كورسەتۋ 22,5 پروتسەنتكە, جانە جىلجىمايتىن م ۇلىكتەرمەن جاسالاتىن وپەراتسيالار 9,9 پايىزعا تومەندەدى. بۇل تومەندەۋلەر كارانتيندىك شەكتەۋلەرمەن بايلانىستى», دەدى ول.
سونداي-اق سىرتقى ساۋدا 21 ملرد دوللاردى قۇراعان. ەكسپورت 4,2 پايىزعا ۇلعايىپ, 13,9 ملرد دوللارعا جەتتى. بۇل رەتتە يمپورت 7,1 ملرد دوللارعا دەيىن تومەندەدى. ساۋدا بالانسىنىڭ سالدوسى وتكەن جىلعى ءبىرىنشى توقسانمەن سالىستىرعاندا 9 پايىزعا ارتىپ, 6,8 ملرد دوللار بولدى.