حالىقارالىق ەڭبەك ۇيىمى پاندەميانىڭ ەكونوميكالىق سالدارىنان 25 جاسقا دەيىنگى جاستار زارداپ شەگەدى دەپ مالىمدەدى.
كوروناۆيرۋس پاندەمياسىنا دەيىن ەو-دا جاستار اراسىنداعى جۇمىسسىزدىقتىڭ ورتاشا دەڭگەيى 15 پايىزدى, ال كەيبىر وڭتۇستىك ەلدەردە 30 پايىزدى قۇراعان.
پاندەميادان كەيىن بوس جۇمىس ورىندارى جارمەڭكەلەرى مەن ءىرى رەكرۋتينگتىك باستامالاردىڭ بولۋى تۋرالى ءالى بولجامنىڭ جوق ەكەندىگىن ايتقان بەلگيالىق ساراپشى جاستارعا قوسىمشا داعدىلاردى مەڭگەرۋگە كەڭەس بەرەدى.
«وقۋدى جالعاستىرۋدىڭ ورنىنا قوسىمشا دەمالىس وتكىزىپ, قاتەلەسپەڭىز. بىلىكتىلىگىن كوتەرۋ ءۇشىن ۋاقىت پەن كۇش-جىگەرىن سالۋ ماڭىزدى. بۇل جاستارعا باسەكەلەستىكتە ارتىقشىلىقتار بەرەدى», - دەيدى يان دەني تۇلەكتەرگە.
بالكىم, ءبىر جىلدان كەيىن ەڭبەك نارىعىنداعى جاعداي قازىرگە قاراعاندا الدەقايدا جاقسى بولادى دەپ سەندىرەدى ساراپشى.
سوڭعى 7 جىلدا ەو جاستاردى جۇمىسپەن قامتۋعا كەپىلدىك بەرۋ باعدارلاماسىنا 9 ملرد ەۋرو ينۆەستيتسيالاعان. بۇل باعىتتا 2021-2027 جىلدارعا ارنالعان ەو بيۋدجەتىنەن قاراجات پايدالانىلۋى مۇمكىن.