قاشىقتان وقىتۋ رەجىمى مەكتەپ مۇعالىمدەرىنىڭ ءبىلىم بەرۋ ىسىنە جاڭالىق اكەلمەگەنىمەن دە, زاماناۋي تسيفرلى كەڭىستىكتە وزىق ىزدەنىستەرگە بارۋعا, تىڭ مالىمەتتەر جيناۋعا ىقپال ەتتى.
الايدا بۇل كەزەڭ ءداستۇرلى ءبىلىم جۇيەسىنىڭ بالالاردى بىلىمگە باۋلىپ قانا قويمايتىن, قاستەرلى ءبىلىم شاڭىراعىنىڭ ىزگىلىك پەن ءتالىم-تاربيەنىڭ باستاۋى ەكەنىنە مەڭزەگەندەي. ءاربىر ۇستاز تۇلعا تاربيەسىندە ءوزىنىڭ بىلىكتىلىگىن, جاۋاپكەرشىلىگىن سەزىنە وتىرىپ, وقىتۋ ءپانىنىڭ جوعارى دەڭگەيدە وتۋىنە, بالالاردىڭ ونى تەرەڭ ءتۇسىنىپ وقۋىنا تىرىسادى. تومەندە ۇسىنىپ وتىرعان ماقالادا الاتاۋ اۋدانىنداعى №178 ليتسەي كمم-ءنىڭ ورىس ءتىلى ءپانىنىڭ مۇعالىمى مايرا كايرباەۆا ءبىلىم ءارى تاربيە بەرۋدىڭ ەرەكشەلىكتەرىمەن نەگىزگە الادى.
قازىرگى تاڭدا ەلىمىزدىڭ ءبىلىم بەرۋ سالاسىندا جاڭا تەحنولوگيالار مەن يدەيالاردىڭ جۇيەلى ءارى قارقىندى دامۋ ۇستىندە. كۇندەلىكتى قارقىندى دامىپ جاتقان اقپاراتتار لەگى بولاشاقتان ءۇمىتى بار ءاربىر ادام العا ۇمتىلۋىن, ءبىلىمىن ۇزدىكسىز جەتىلدىرىپ, ءومىر بويى ءبىلىم الۋدى تالاپ ەتەدى. ەندەشە قازىرگى تاڭداعى ءبىلىم بەرۋ ساياساتىنىڭ ەڭ ءبىرىنشى مىندەتى جوعارى ساپالى ءبىلىم بەرۋ بولىپ وتىرعانى – زامان تالابى.
جەكە تۇلعانى دامىتىپ, دۇنيەتانىمىن قالىپتاستىرۋ, وقۋعا دەگەن قىزىعۋشىلىعىن وياتىپ ىنتاسىن ارتتىرۋ وسى مىندەتتەردى جۇزەگە اسىراتىن باستى تۇلعا - ۇستاز. بۇگىنگى ۇستاز وقۋشىلارعا تەك ءبىلىم بەرىپ قانا قويماي, ءاربىر وقۋشى بويىندا ۇلتتىق مىنەز-ق ۇلىق, ادامگەرشىلىك, سىپايىلىق پەن كىشىپەيىلدىلىك قاسيەتتەرىن قالىپتاستىرۋعا, بالانىڭ جان دۇنيەسىن رۋحاني قازىنالارمەن بايىتۋعا ءتيىس. سونداي اق,الدىڭعى قاتارلى تاجىريبەنى جەتىلدىرە وتىرىپ, وقۋ ۇردىسىنە وقىتۋدىڭ جاڭا تەحنولوگيالارىن ەنگىزىپ, وقۋشىلاردىڭ جالپى دامۋىن قامتاماسىز ەتۋى كەرەك.
وقۋشىلاردىڭ قىزىعۋشىلىعىن ارتتىرۋ ماقساتىندا ساباق بارىسىندا ءتيىمدى ءادىس-تاسىلدەردى ەنگىزىپ, ونى ۇيىمداستىرۋ فورماسىن تۇرلەندىرىپ وتىرۋ – مۇعالىمنىڭ باستى مىندەتى ەكەنى بەلگىلى. مۇنداي جاعدايدا مۇعالىمنىڭ شەبەرلىگى, ۇيىمداستىرۋشىلىق قابىلەتى ۇلكەن ءرول اتقارادى. ولاي بولسا, جاۋاپكەرشىلىگى شەكسىز, قادىرى مول ماماندىق يەسىنىڭ ۇرپاققا ءبىلىم مەن تاربيە بەرۋدەگى الار ورنىن ءار مۇعالىم بار بولمىسىمەن سەزىنگەنى ابزال.
قورىتا ايتقاندا, ۇلى مەملەكەتىمىزدىڭ كەمەل بولاشاعى ءۇشىن ۇرپاعىمىزدى ءبىلىمدى, سانالى ءارى جۇرەگىندە يمانى بار ەتىپ تاربيەلەۋىمىز قاجەت. وقۋشىنى مەكتەپ قابىرعاسىندا العان ءبىلىمىن ومىردە قولدانا بىلۋگە داعدىلاندىرۋىمىز كەرەك. وسى مىندەت ۇستازدارعا ۇلكەن جاۋاپكەرشىلىك جۇكتەيدى. جاڭا زاماندا ءومىردىڭ بارلىق سالالارىندا تابىستى بولۋلارى ءۇشىن, وقۋشىلاردىڭ بويىنا قاجەتتى داعدىلاردى دارىتۋ جولىندا مۇعالىمدەر تىنىمسىز ەڭبەكتەنۋى كەرەك. وسى ماقسات اياسىندا تەك ءوز ءپانىن, ءوز ماماندىعىن شەكسىز سۇيەتىن, بالا ءۇشىن ۇستاز عۇمىرىن قۇدىرەتتى دەپ سانايتىن ءبىلىمدى مۇعالىمدەر عانا جۇمىس ىستەي الادى.
الماتى