ISO 37001-2016 حالىقارالىق ستاندارتىنىڭ تالاپتارىنا سايكەس سىبايلاس جەمقورلىققا قارسى ارەكەت ەتۋ مەنەدجمەنتى جۇيەسىن (بۇدان ءارى - سمج) ەنگىزۋ بويىنشا اباي اتىنداعى قازۇۋ-دا ءتيىستى جۇمىستار جۇرگىزىلۋدە.
سمج قۇجاتتارىنىڭ سانى مەن قۇرامى, ولاردىڭ قولدانىستاعى جۇيەگە بىرىگۋى انىقتالىپ, «سىبايلاس جەمقورلىققا قارسى ءىس-قيمىل ساياساتى» ازىرلەنىپ بەكىتىلدى.
قازاقستان رەسپۋبليكاسى زاڭناماسىنىڭ تالاپتارىن ەسكەرە وتىرىپ, ISO 37001 تالاپتارىن قولدانىسقا ەنگىزۋ ءۇشىن قۇجاتتار ازىرلەندى: مۇددەلەر قاقتىعىسىن شەشۋ ساياساتى; سىبايلاس جەمقورلىق تاۋەكەلدەرىن باعالاۋ; سىيلىقتار مەن وكىلدىك شىعىستار.
ازىرلەنگەن قۇجاتتار مەن تالاپتار نەگىزىندە كەلەسى قۇجاتتار رەداكتسيالاندى جانە قايتا ەنگىزىلدى: سىبايلاس جەمقورلىققا قارسى ءىس-قيمىل ستاندارتى; مۇددەلەر قاقتىعىسى جانە سىبايلاس جەمقورلىققا قارسى ءىس-قيمىل ساياساتىن ساقتاۋ تۋرالى دەكلاراتسياسى; سىيلىقتى العانى تۋرالى حابارلاماسى; ۋنيۆەرسيتەت قىزمەتكەرىنىڭ ەڭبەك شارتىنا قوسىمشا كەلىسىمى; ۋنيۆەرسيتەت قىزمەتكەرىنىڭ لاۋازىمدىق نۇسقاۋلىعى; ءبىلىم بەرۋ قىزمەتتەرىن كورسەتۋ شارتىنا سىبايلاس جەمقورلىققا قارسى ەسكەرتپەسى; سىرتقى ۇيىمدارمەن جانە ىسكەر ارىپتەستەرمەن ءوزارا قارىم-قاتىناستاردىڭ سىبايلاس جەمقورلىققا قارسى ەسكەرتپەسى رەداكتسيالاندى جانە جاڭادان ەنگىزىلدى.
ازىرلەنگەن ادىستەمەگە سايكەس ۋنيۆەرسيتەتتىڭ 44 بولىمشەلەرىندە سىبايلاس جەمقورلىق تاۋەكەلدەرىن باعالاۋ بويىنشا ءتيىستى جۇمىستار جۇرگىزىلدى. تاۋەكەلدەر ماڭىزدىلىعى بويىنشا تسيفرلانعان جانە تالداۋعا الىنعان, ولار بويىنشا ساراپتاما بەرىلگەن. ۋنيۆەرسيتەتتىڭ ماڭىزدى سىبايلاس جەمقورلىق تاۋەكەلدەرىن باعالاۋ, بارىنشا ازايتۋ جانە ساپالى باسقارۋ ماسەلەلەرى بويىنشا قاجەتتى ءىس-شارالار جۇرگىزىلىپ, جاۋاپتى تۇلعالار انىقتالدى.
اتالمىش قۇجاتتار نەگىزىندە ۋنيۆەرسيتەتتىڭ بارلىق قىزمەتكەرلەرى «مۇددەلەر قاقتىعىسى جانە سىبايلاس جەمقورلىققا قارسى ساياساتتى ساقتاۋ تۋرالى دەكلاراتسياعا», «ەڭبەك شارتىنا قوسىمشا كەلىسىمگە» جانە «لاۋازىمدىق نۇسقاۋلىقتارعا» (جاڭا رەداكتسيادا دايىندالعان) (ال بارلىق ءبىلىم الۋشىلار ءبىلىم بەرۋ قىزمەتىن كورسەتۋ شارتىنا سىبايلاس جەمقورلىققا قارسى ەسكەرتپەگە) قول قويدى. وسى قول قويىلعان قۇجاتتاردا سىبايلاس جەمقورلىق تاۋەكەلدەرىن الدىن الۋ ماقساتىندا بارلىق قىزمەتكەرلەردىڭ جانە جۇمىس بەرۋشىنىڭ جاۋاپكەرشىلىگى, مىندەتتەرى مەن قۇقىقتارى ايقىندالدى.
وسى قۇجاتتاردىڭ, راسىمدەردىڭ بەكىتىلۋلەرىنە بايلانىستى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنە ۋاكىلەتتى ورگانىمەن سەرتيفيكاتتار بەرىلۋگە ءتيىس بولعان. قازىرگى ۋاقىتتا توتەنشە جاعدايدىڭ (كارانتيننىڭ) جاريالانۋىنا بايلانىستى حالىقارالىق سەرتيفيكاتتاۋدىڭ جوسپارلانعان ءراسىمى كەيىنگە قالدىرىلدى.