دۇنيەجۇزىلىك دەنساۋلىق ساقتاۋ ۇيىمى كارانتيندىك شارالاردى السىرەتەتىن ەلدەرگە ەسكەرتۋ جاساي وتىرىپ, بىرقاتار تالاپتاردى قاتاڭ ساقتاۋعا شاقىرادى.
كارانتيننىڭ قاتاڭداتىلعان رەجىمىن جەڭىلدەتۋ شارالارىنىڭ قاۋىپتى ەكەندىگىن ەسكەرتكەن دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادحان گەبرەيەسۋس مۇنداي ەلدەردىڭ سانى كوپ بولعاندىقتان, تومەندەگى ەرەجەلەردى قاتاڭ ساقتاۋ قاجەتتىگىن اتاپ ءوتتى. بىرىنشىدەن, جۇقتىرۋ جاعدايلارىنىڭ سانىن ازايتۋ, ءاربىر جاعدايدى انىقتاۋ, وقشاۋلاۋ, تەستىلەۋ, ەمدەۋ جانە ءاربىر بايلانىستى قاداعالاۋدا دەنساۋلىق ساقتاۋ جۇيەسىنىڭ مۇمكىندىگىن ارتتىرۋ, جابىق مەديتسينالىق مەكەمەلەر مەن قارتتار ۇيلەرىندە جۇقتىرۋعا جول بەرمەۋ, جۇمىس ورىندارىندا, مەكتەپتەردە جانە باسقا دا قوعامدىق ورىنداردا الدىن الۋ شارالارىن كۇشەيتۋ, سونداي-اق قانداي دا ءبىر مەكەمەلەرگە كەلەتىندەردى قاتاڭ باقىلاۋ.
بارلىق ەسكەرتۋلەرمەن ءومىردىڭ قالىپتى رەجىمىنە كوشكەن ازاماتتار حابارلانۋى ءتيىس. ەگەر دە دەنساۋلىق ساقتاۋ مەكەمەلەرى تاراتقان تالاپتار ورىندالمايتىن بولسا, وندا ۆيرۋس جۇقتىرۋ دەڭگەيى قاۋىپتى بولىپ قالا بەرەدى. سوندىقتان كارانتين رەجىمىن وتە ساق ءارى كەزەڭ-rەزەڭمەن جۇزەگە اسىرۋ قاجەت.