نۇر-سۇلتاندا 16 ساۋىردەن باستاپ ستاتسيونارلىق ەم العان 92 جاستاعى ناۋقاس كوروناۆيرۋستان جازىلىپ شىقتى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
ناۋقاس كۆي دياگنوستيكاسى مەن ەمدەۋدىڭ كلينيكالىق حاتتاماسىنا سايكەس تولىق ەم الدى. ەگدە جاستاعى ايەل ادام دارىگەرلەرگە كورسەتىلگەن مەديتسينالىق كومەك پەن كۇتىم ءۇشىن العىس ايتىپ, دەنساۋلىق تىلەدى. 5 مامىردا ەلوردالىق جۇقپالى اۋرۋلار ستاتسيونارلارىنان 20 ناۋقاس, 6 مامىردا تاعى 10 ناۋقاس شىعارىلدى.
ەلوردادا كوروناۆيرۋسقا شالدىققان ادام سانى - 853. ولاردىڭ 336 - ادام ىندەتتەن ساۋىقتى.