قازاق پروزاسىنىڭ قورجىنى تاعى ءبىر سۋ جاڭا كىتاپپەن تولىقتى. جاس جازۋشى ەسبول نۇراحمەتتىڭ «تاۋسىلماس ءتۇن» اتتى تىرناقالدى نوۆەللالار جيناعى جارىق كوردى.
كىتاپ بۇگىنگى قازاق قوعامىنداعى الەۋمەتتىك ءھام پسيحولوگيالىق تاقىرىپتاردى قاۋزاعان جيىرما شاعىن نوۆەللادان تۇرادى. سونداي-اق, وزىندىك جازۋ ستيلىمەن, وقىپ وتىرىپ سەلك ەتكىزەتىن توسىن شەشىمدەرىمەن ەرەكشەلەنەتىن اۆتوردىڭ بۇرىن جاريالانباعان, وقىرمانعا تاڭسىق شىعارمالارى دا ەنگەن.
ايتا كەتەيىك, «ورنەك» باسپاسىنان 1000 دانامەن شىققان جيناق جاس جازۋشىنىڭ ءوز قارجىسىنا شىعىپ وتىر. ساتىلىمىنا كەلسەك, وقىرمان قاۋىم «تاۋسىلماس ءتۇندى» @ruhani_kitap ونلاين كىتاپ دۇكەنىنەن تاپسىرىس بەرە الادى. اۆتوردىڭ سوزىنشە, ەلىمىزدەگى توتەنشە جاعداي تۇراقتالعان سوڭ جيناق «قازىنا» «مەلومان» كىتاپ دۇكەندەرىندە دە ساتىلماق ەكەن.
جاس جازۋشىنى تىرناقالدى جيناعىمەن قۇتتىقتاي وتىرىپ, تۆورچەستۆولىق تابىس تىلەيمىز.