ەلدە توتەنشە جاعدايدىڭ ەنگىزىلۋىنە بايلانىستى قۇجاتتار مەرزىمى وتكەن ازاماتتاردىڭ سانى ارتتى, وسىعان وراي قر ءىىم ءمينيسترىنىڭ نۇسقاۋىنا سايكەس بۇكىل ەل اۋماعىندا قر ازاماتتارىن قۇجاتتاندىرۋعا باعىتتالعان ءىس-شارالار جۇرگىزىلەتىن بولادى, دەپ حابارلادى ماڭعىستاۋ وبلىستىق پوليتسيا دەپارتامەنتى ءباسپاوز قىزمەتى.
اقتاۋدا كوشى-قون قىزمەتى باسقارماسىنىڭ قىزمەتكەرلەرى جەكە كۋالىكتەرى مەرزىمى ءوتىپ كەتكەن قارتتاردىڭ ۇيلەرىنە باردى. سول جەردە ولار قۇجاتتاردى رەسىمدەپ, سۋرەتكە ءتۇسىردى جانە بەلگىلى ءبىر ۋاقىتتان كەيىن قىزمەتكەرلەر دايىن جەكە كۋالىكتەرىن جەتكىزەتىن بولادى.
وسىنداي قىزمەتتى العاشقى الۋشىلاردىڭ ءبىرى ۆلاديمير تروپين بولدى. ۆلاديمير الەكساندروۆيچ - ەڭبەك سىڭىرگەن ەنەرگەتيك, زەينەتكەر. ول اتاپ وتكەندەي, قۇجاتتاردى ۇيدە رەسىمدەۋ قارت ادامداردىڭ ءومىرىن جەڭىلدەتەدى, حقكو-عا بارۋدىڭ قاجەتى جوق. ازاماتتار پوليتسيا قىزمەتكەرلەرىنە قارت ادامداردى نازاردان تىس قالدىرماي, قامقورلىق كورسەتكەنى ءۇشىن العىستارىن ءبىلدىردى.
كوشى-قون قىزمەتىنىڭ قىزمەتكەرلەرى ازاماتتاردىڭ بەلگىلى ءبىر ساناتى ءۇشىن قۇجاتتاردى راسىمدەۋ ءۇشىن ۇيگە بارۋدى جۇزەگە اسىرادى, اتاپ ايتقاندا, ولار - ءوز جاسىنا جانە جاعدايلارىنا بايلانىستى حقكو-عا وزدەرى كەلە المايتىن ەگدە مەن ۇيدەن شىعا المايتىن ادامدار.
ازاماتتاردىڭ قالعان ساناتتارى حقكو ارقىلى جارامسىز قۇجاتتارمەن تۇرعانى ءۇشىن اكىمشىلىك جاۋاپكەرشىلىككە تارتىلماي, تالوندى الدىن الا egov (1414) ارقىلى برونداپ, راسىمدەلە الادى.
اتالعان ءىس-شارا جوعارىدا كورسەتىلگەن ساناتتاعى ازاماتتارعا كومەك كورسەتۋگە, حالىققا قىزمەت كورسەتۋ ورتالىعىنىڭ جۇمىسىن جەڭىلدەتۋگە باعىتتالعان. جاقىن ارادا وبلىستىڭ بارلىق اۋماعىندا حقكو فيليالدارى اشىلادى جانە جۇمىس شتاتتىق تارتىپتە جۇرگىزىلەتىن بولادى.
ماڭعىستاۋ وبلىسى