يندۋستريا جانە ينفراقۇرىلىمدىق دامۋ مينيسترلىگى ەلدەگى توتەنشە جاعداي اياقتالعاننان كەيىن الاكول كولىنىڭ جاعالاۋىنا بارىپ-قايتۋعا قولايلى بولۋى ءۇشىن ءۇشارال قالاسىنا سۋبسيديالانعان الەۋمەتتىك-ماڭىزى بار رەيستەردى ورىنداۋ جوسپارلاپ وتىر. بۇل تۋرالى يدم ءباسپاسوز قىزمەتى حابارلادى.
اتاپ ايتقاندا:
نۇر-سۇلتاننان ۇشارالعا «Qazaq Air» اۋە كومپانياسى مامىردان قازانعا دەيىن اپتاسىنا 4 جانە ودان كوپ رەيس ورىندايدى. وعان 265 ملن تەڭگە بولىنەدى. تاريف قۇنى – 16 مىڭ تەڭگە.
الماتىدان ۇشارالعا «يۋجنوە نەبو» اۋە كومپانياسى مامىردان قازانعا دەيىن اپتاسىنا 6 جانە ودان كوپ رەيس ورىندايدى. بولىنگەن سوما – 225,8 ملن تەڭگە. تاريف قۇنى – 10 مىڭ تەڭگە.
تالدىقورعاننان ۇشارالعا «جەتىسۋ» اۋە كومپانياسى مامىردان قازانعا اپتاسىنا 4 جانە ودان كوپ رەيس ورىندايدى. وعان 218,7 ملن تەڭگە ءبولىنىپ, تاريف قۇنى 8 مىڭ تەڭگە بولادى.
2020-2025 جىلدارعا ارنالعان «نۇرلى جول» ينفراقۇرىلىمدى دامىتۋ باعدارلاماسىنا سايكەس بيىل رەسپۋبليكالىق بيۋدجەتتىك كوميسسيا ماقۇلداعان جاعدايدا ءۇشارال كەنتى اۋەجايىنىڭ ۇشۋ-قونۋ جولاعىن, باسقارۋ جولىن, تۇراقتار مەن پەرروندى قايتا جاڭعىرتۋدى جوسپارلاپ وتىر. جوبالىق-باعالاۋ قۇجاتتاماسى پىسىقتالىپ, «مەملەكەتتىك ساراپتاما» رمك-ءنىڭ وڭ قورىتىندىسى الىنعان. سوعان سايكەس جوبانىڭ تولىق قۇنى 7,5 ملرد تەڭگەنى قۇرايدى (2020 ج. - 4,7 ملرد تەڭگە, 2021ج. – 2,7 ملرد تەڭگە).