بۇل تۋرالى نۇر-سۇلتان قالاسى ءبىلىم باسقارماسىنىڭ باسشىسى شولپان قادىروۆا حابارلادى.
كارانتين كەزىندەگى ەلوردا ءبىلىم بەرۋ ۇيىمدارىنىڭ قاشىقتان وقىتۋ ماسەلەلەرى بويىنشا بايانداما جاساعان ش.قادىروۆا:
ء– بىلىم جانە عىلىم مينيسترلىگى بەكىتكەن تەحنيكالىق جانە كاسىپتىك ءبىلىم بەرۋ ۇيىمدارىنا كۇندىزگى وقۋ بولىمىنە قابىلداۋ ەرەجەسىنە سايكەس, كوللەدجدەرگە قۇجاتتاردى قابىلداۋ 20 ماۋسىم مەن 25 تامىز ارالىعىندا جۇزەگە اسىرىلادى. قۇجاتتاردى كوللەدجدىڭ قابىلداۋ كوميسسياسىنا قاعاز تۇرىندە نەمەسە ەلەكتروندى تۇردە e.astana.kz سايتى ارقىلى تاپسىرۋعا بولادى.
تالاپكەرلەرگە وقۋعا ءتۇسۋ ەمتيحاندارى تاڭداعان ماماندىعىنا بايلانىستى كوللەدج بازاسىندا وتكىزىلەدى. ەلدەگى سانيتارلىق-ەپيدەميولوگيالىق رەجيم ۇزارتىلعان جاعدايدا تالاپكەرلەرگە وقۋعا قۇجاتتاردى قابىلداۋ جانە ءتۇسۋ ەمتيحاندارىن وتكىزۋ نىسانى قوسىمشا حابارلانادى, – دەدى.