الماتى وبلىسى: كارانتين شەكتەۋلەرى كەزەڭ-كەزەڭىمەن الىنۋدا

قاۋلىعا سايكەس كارانتين شارالارىن جۇمسارتۋ كەزەڭىندە الماتى وبلىسىنىڭ اۋماعىندا COVID-19 ينفەكتسياسى تىركەلگەنىنە بايلانىستى كارانتيننىڭ كۇشەيتىلگەن رەجيمى ەنگىزىلگەن ەلدى مەكەندەر مەن نىسانداردان باسقا جەرلەردە وپتيكا دۇكەندەرى, تۇرمىستىق تەحنيكا ساتاتىن دۇكەندەر, فوتوسالوندار, گۇل ساتاتىن كيوسكىلەر, جىلجىمايتىن م ۇلىكتەرگە قاتىستى وپەراتسيالار اتقاراتىن كومپانيالار, جارناما اگەنتتىكتەرى, ساقتاندىرۋ كومپانيالارى, لومباردتار, سول سياقتى اقپاراتتىق-كوممۋنيكاتسيالىق تەحنولوگيالار كومپانيالارى ءوز جۇمىسىن باستايدى. تاڭەرتەڭگى ساعات 9-دان كەشكى 17.00-گە دەيىن تۇرمىستىق جانە ەلەكتروندى تەحنيكالاردى جوندەۋ قىزمەتىن كورسەتەتىن نىساندار, سول سياقتى اۋماعى 500 م² دەيىنگى بارلىق ازىق-ت ۇلىك دۇكەندەرى جۇمىس ىستەيدى. شاشتارازدار, سۇلۋلىق سالوندارى الدىن الا جازىلىم بويىنشا قايتا ىسكە كىرىسەدى, جۇمىس كەستەسى - ساعات 9-دان 18.00-گە دەيىن. ساناتوريلەردە, بالالاردى ساۋىقتىرۋ مەكەمەلەرىندە, مەملەكەتتىك ۇلتتىق تابيعي ساياباقتاردا, مۋزەيلەردە جازعى تۋريستىك ماۋسىمعا دايىندىق جۇمىستارى باستالادى, تۋريستىك فيرمالار جۇمىس ىستەيدى, بىراق ازىرگە تۋريستەردى قابىلداۋعا جانە قىزمەت كورسەتۋگە قۇقىعى جوق.

سول سياقتى اشىق الاڭدا كورەرمەنسىز سپورتتىق شارالار مەن جاتتىعۋلار وتكىزۋگە رۇقسات بەرىلدى. بۇل رەتتە وبلىستىڭ اۋدان, قالا اكىمدەرىنە, وبلىستىق كاسىپكەرلىك جانە يندۋستريالدى-يننوۆاتسيالىق دامۋ باسقارماسىنا جانە وبلىستىق «اتامەكەن» كۇپ-عا اقپاراتتىق ارنالار ارقىلى قىزمەتتىڭ شەكتەۋلەرىن الىپ تاستاۋعا بەكىتىلگەن وبەكتىلەردى حاباردار ەتۋ, بەيىندى قاۋىمداستىقتاردىڭ قاتىسۋىمەن بەينەكونفەرەنتسيا وتكىزۋ, رەسمي ۆەب-رەسۋرستارعا قاجەتتى اقپاراتتى ورنالاستىرۋدى قامتاماسىز ەتۋ تاپسىرىلدى.

جالپى, الماتى وبلىسى اۋماعىندا كارانتين ءالى الىنىپ تاستالعان جوق. سوندىقتان بارلىق سانيتارلىق-دەزينفەكتسيالىق شارالار تالاپتارىن قاتاڭ ساقتاۋ قاجەت. وسى تالاپتاردىڭ بۇزىلۋى نەمەسە ورىندالماۋى انىقتالعان جاعدايدا توتەنشە جاعداي كەزىندەگى ەلىمىزدىڭ زاڭنامالارىنا سايكەس جەدەل شارالار قابىلداناتىن بولادى.

الماتى وبلىسى