پرەمەر-مينيستر اسقار مامين اقپارات جانە قوعامدىق دامۋ مينيسترلىگىنىڭ ۇجىمىنا جاڭا مينيستر – ايدا بالاەۆانى تانىستىردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
ۇكىمەت باسشىسى بۇرىنعى مينيستر داۋرەن اباەۆقا اتقارعان جۇمىسى ءۇشىن العىس ايتىپ, جاڭا قىزمەتىندە تابىس تىلەدى.
اسقار مامين جاڭا ءمينيستردى تانىستىرا وتىرىپ, ايدا بالاەۆانىڭ اقپارات جانە ىشكى ساياسات سالاسىنداعى 20 جىلدىق جۇمىس تاجىريبەسىن اتاپ ءوتتى. ءتۇرلى جىلدارى ول الماتى قالاسىنىڭ ىشكى ساياسات دەپارتامەنتىنىڭ ديرەكتورى, استانا قالاسى اكىمىنىڭ ورىنباسارى, پرەزيدەنت اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى قىزمەتتەرىن اتقارعان.
وسىعان دەيىن قازاقستان رەسپۋبليكاسى پرەزيدەنتىنىڭ كومەكشىسى – پرەزيدەنت اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى لاۋازىمىن اتقارعان.