جازا باسقاندى جازالاۋ عانا ەمەس, تۇزەتۋ ماڭىزدى ءىس. ىزگى ىستەر ۇيىمداستىرۋدان اقتاۋ قالاسىنداعى قر ىشكى ىستەر مينيسترلىگى قىلمىستىق-اتقارۋ كوميتەتىنە قاراستى گم-172/6 تۇزەتۋ مەكەمەسى سىرت قالىپ جۇرگەن جوق. ولار, ياعني اتالعان مەكەمەنىڭ قىزمەتكەرلەرى ء«بىز بىرگەمىز» اكتسياسى اياسىندا الەۋمەتتىك جاعىنان از قامتىلعان كوپ بالالى وتباسىلارعا كومەك قولىن سوزىپ, ازىق-ت ۇلىك تۇرلەرىن سىيعا تارتتى.
بۇل وتباسىلار ماڭعىستاۋ وبلىسى بويىنشا قىلمىستىق-اتقارۋ دەپارتامەنتى جۇيەسىنىڭ ۆولونتەرلىك قولداۋدى قاجەت ەتەتىندەر تىزىمىنە ەنگەندەر بولىپ تابىلادى. قيىن كەزدە قولداۋدى اسا قاجەت ەتىپ وتىرعان وتباسىلارعا مەكەمە قىزمەتكەرلەرى ازىق-ت ۇلىكپەن بىرگە توتەنشە جاعداي كەزىندە قاجەتتى زالالسىزداندىرۋ جابدىقتارىن تارتۋ ەتتى.
-قىلمىستىق-اتقارۋ جۇيەسى دەپارتامەنتى قىزمەتكەرلەرى قاشاندا حالىقپەن بىرگە. اسىرەسە, ەل ىشىنە ىندەت تاراعان قيىن شاقتا حالىققا قولداۋ كورسەتىپ, جانىنان تابىلۋ – ماقسات. بۇگىنگى اكتسيا دەپارتامەنتتىڭ ۆولونتەرلىك باعدارلاماسى اياسىندا جۇزەگە استى, بىراق مۇنىمەن توقتاپ قالماي جالعاسىن تابا بەرەتىن بولادى, دەپ حابارلادى ماڭعىستاۋ وبلىسى بويىنشا قىلمىستىق-اتقارۋ جۇيەسى دەپارتامەنتى ءباسپاسوز قىزمەتى ءوز حابارلاماسىندا.