«نۇرسۇلتان نازارباەۆ حالىقارالىق اۋەجايى» - قازاقستانداعى ەڭ ءىرى اۋەجايلاردىڭ ءبىرى. جولاۋشىلار اعىنى بويىنشا 2-ورىندى الادى. وتكەن جىلى اۋەجايدا 5,1 ملن جولاۋشىعا قىزمەت كورسەتىلگەن, دەپ حابارلادى يدم ءباسپاسوز قىزمەتى.
اۋەجاي مەملەكەت مەنشىگىندە. 2321 ادام قىزمەت ەتەدى.
توتەنشە جاعداي ەنگىزىلگەنگە دەيىن «نۇرسۇلتان نازارباەۆ حالىقارالىق اۋەجايىنان» 16 ىشكى باعىت بويىنشا اپتاسىنا 320 تۇراقتى رەيس ورىندالدى. سونداي-اق, 3 قازاقستاندىق جانە 12 شەتەلدىك اۋەكومپانيا اپتا سايىن 31 باعىتتا 179 حالىقارالىق جولاۋشىلار رەيسى اتقارىپ كەلدى.
استانالىق اۋەجاي - ەلىمىزدىڭ ۆيزيت كارتوچكاسى. مەملەكەتتىك جانە رەسمي ساپارلار كەزىندە شەتەل باسشىلارىنىڭ دەلەگاتسياسىنا ءجيى قىزمەت كورسەتەدى.
2017 جىلى «ەكسپو-2017» حالىقارالىق كورمەسىنە دايىندىق اياسىندا قاۋىپسىزدىك پەن ساپانىڭ بارلىق حالىقارالىق ستاندارتتارىنا سايكەس كەلەتىن جاڭا حالىقارالىق جولاۋشىلار تەرمينالى پايدالانۋعا بەرىلدى.