كاسپي ايماعىنا قاتىستى حالىقارالىق ونلاين كونفەرەنتسيا ءوتتى

كونفەرەنتسيانىڭ ماقساتى - كاسپي ماڭى ايماعىنداعى عىلىم مەن ءبىلىمنىڭ باسىم باعىتتارى بويىنشا ماسەلەلەردى تالقىلاۋ جانە تالداۋ ءۇشىن الاڭ قۇرۋ, تاجىريبە الماسۋ, وتاندىق جانە شەتەلدىك زەرتتەۋشىلەر اراسىندا عىلىمي بايلانىستار ورناتۋ, سونداي-اق الەۋمەتتىك ماڭىزدى باستامالاردى قولداۋ. ونىڭ ىشىندە العا قويىلعان مىندەتتەر - كاسپي ماڭى ەلدەرى اراسىنداعى قاتىناستاردى ودان ءارى دامىتۋ جونىندەگى كەڭ اۋقىمدى ماسەلەلەردى تالقىلاۋ, كاسپي ماڭى مەملەكەتتەرىنىڭ حالىقارالىق ساۋدا-ەكونوميكالىق ىنتىماقتاستىعى سالاسىندا جۇرگىزىلەتىن عىلىمي زەرتتەۋلەردى تالداۋ جانە باعالاۋ, حالىقارالىق ينتەگراتسيا جاعدايىندا كاسپي ماڭى ەلدەرىنىڭ قاتىناستارىن قۇقىقتىق رەتتەۋ پەرسپەكتيۆالارىن ايقىنداۋ, كاسپي ءوڭىرىن ءتۋريزمدى, لوگيستيكانى جانە ەكونوميكانى دامىتۋ ايماعى رەتىندە قاراۋ, ساپالى ەكونوميكالىق ءوسۋدى قامتاماسىز ەتۋگە, تۋريستىك كەشەن مەن حالىقارالىق ەكونوميكالىق قاتىناستاردى دامىتۋعا باعىتتالعان وزەكتى ماسەلەلەردى تالقىلاۋ.

حالىقارالىق ونلاين كونفەرەنتسيا جۇمىسىنا ۋنيۆەرسيتەتتىڭ پروفەسسورلىق-وقىتۋشى قۇرامى, رەسپۋبليكا جوو-نىڭ عالىمدارى, سونىمەن قوسا جاقىن جانە الىس شەت ەلدەردىڭ جوعارى وقۋ ورىندارىنىڭ بەلگىلى عالىمدارى Himmet Karadal - Bolu Abant Izzet Baysal ۋنيۆەرسيتەتىنىڭ (تۇركيا) پروفەسسورى; Jalal Malakootifar - «حالىقارالىق قاتىناستار» ماماندىعى بويىنشا ۆەنا ۋنيۆەرسيتەتىنىڭ تۇلەگى (اۆستريا) (يسلام رەسپۋبليكاسى يران); تۋرگاەۆا ا.ا. - استراحان مەملەكەتتىك تەحنيكالىق ۋنيۆەرسيتەتىنىڭ دوتسەنتى (رەسەي); Dababrata Chowdhury - Sufflok ۋنيۆەرسيتەتىنىڭ ( ۇلىبريتانيا) پروفەسسورى قاتىستى.

ونلاين كونفەرەنتسياسىنىڭ جۇمىسى كاسپي ەلدەرىمەن قارجى-ەكونوميكالىق قاتىناستار جانە حالىقارالىق ىنتىماقتاستىق, كاسپي ماڭى مەملەكەتتەرى ۇستانىمى ءۇشىن كاسپي ايماعىنىڭ قۇقىقتىق مارتەبەسى, كاسپي ايماعى: تۋريزم, لوگيستيكا جانە ەكونوميكانىڭ دامۋ پەرسپەكتيۆالارى باعىتتارى بويىنشا جۇرگىزىلدى.

كونفەرەنتسيا بارىسىندا سپيكەرلەر پاندەميا جاعدايىنداعى كاسپي ماڭى ەلدەرىنىڭ ساياسي, ەكونوميكالىق جاعدايلارىنا شولۋ جاساپ, مەملەكەتتەردىڭ ەكونوميكاسىنىڭ  دامۋى ءۇشىن ءار ەل ءوز قۇندىلىقتارىن انىقتاۋ كەرەكتىگى تۋرالى پىكىرلەر ءبىلدىردى. ەلىمىز ەكونوميكاسى ءۇشىن مۇناي نارىعىنداعى قۇبىلمالى تەربەلىستەر, شيكىزاتقا باعىتتالعان ەكونوميكادان ارىلىپ, ءوندىرۋ مەن وڭدەۋ ونەركىسىبىنە, شاعىن جəنە ورتا بيزنەستى قولداۋدى, تۋريزم مەن اگروونەركəسىپ كەشەنىن دامىتۋدى قولعا الۋدى قاجەت ەكەندىگى اتالىپ ءوتتى.

گۇلسارا دجولداسباەۆا,

ش.ەسەنوۆ اتىنداعى كمتجيۋ

«بيزنەس جانە قۇقىق» فاكۋلتەتىنىڭ دەكانى