قىتاي تەحنوگيگانتى Huawei العاش رەت ءوزىنىڭ امەريكالىق قارسىلاسى Qualcomm باسىپ وزىپ, ۇيالى تەلەفوندارعا ارنالعان چيپتەردىڭ ءىرى جەتكىزۋشىسى اتاعىن جەڭىپ الدى.
CINNO زەرتتەۋ-كونسالتينگتىك كومپانياسى جاريالاعان بايانداماعا سايكەس اعىمدىع جىلدىڭ ءبىرىنشى توقسانىندا Huawei ەنشىلەس كومپانياسى Hisilicon شىعارعان Kirin چيپتەرىنىڭ نارىقتىق ۇلەسى 43,9 پايىزعا جەتتى. ال Qualcomm كورپوراتسياسىنىڭ ۇلەسى 32,8 پايىزدى قۇراپ, ەكىنشى ورىنعا يە بولدى.
Media Tek جانە Apple كومپانيالارى قىتايدىڭ ۇيالى تەلەفوندارعا ارنالعان چيپتەر نارىعىندا ءۇشىنشى جانە ءتورتىنشى ورىنداردى ەنشىلەپ, 13,1 جانە 8,5 پايىزعا توقتادى. اتالعان باياندامادا سونداي-اق, COVID-19 ىندەتى قىتايلىق ۇيالى تەلەفوندار نارىعىنا ايتارلىقتاي سوققى اۋكەلگەنىن, وسىعان بايلانىستى اعىمداعى جىلدىڭ العاشقى ءۇش ايىندا ەلدەگى تەلەفون پروتسەسسورلارىن جەتكىزۋ كولەمى 44,5 پايىزعا تومەندەگەن. سونىمەن قاتار, Aurora Mobile اناليتيكالىق كومپانياسىنىڭ مالىمەتتەرى بويىنشا, Huawei تەحنوگيگانتى سمارتفوندار نارىعىنداعى ءوز ۇستانىمىن 36,9 پايىزعا ۇلعايتا الادى.
قىتايدىڭ اقپاراتتىق جانە تەلەكوممۋنيكاتسيالىق تەحنولوگيالار اكادەمياسىنىڭ مالىمەتتەرى كورسەتكەندەي, بيىلعى جىلدىڭ قاڭتار-ناۋرىز ايىنا دەيىن قىتايدىڭ ۇيالى تەلەفوندارىن جەتكىزۋ كولەمى 36,4 پايىزعا, جىلدىق ەسەپپەن العاندا 48,95 ملن بىرلىككە دەيىن تومەندەگەن.