قاراشا ايىندا وتەتىن ءىىى قىتاي حالىقارالىق يمپورتتىق جارمەڭكەسى كورمە الاڭدارىنىڭ 70 پايىزى بروندالعان. شارانى ۇيىمداستىرۋشىلاردىڭ مالىمەتى بويىنشا, كورمەگە 1100-دەن استام كومپانيا قاتىسادى.
الەمنىڭ تۇكپىر-تۇكپىرىنەن كەلەتىن مىڭنان استام كومپانيانىڭ قاتىساتىنىن راستاعان CIIE بيۋروسى ديرەكتورىنىڭ ورىنباسارى سۋن چەنحاي جارمەڭكەدە ەنەرگيا ۇنەمدەۋ جانە قورشاعان ورتانى قورعاۋعا ارنالعان ارنايى كورمە ايماعىن ءبولۋ جوسپارلانىپ وتىرعانىن جەتكىزدى. ونىڭ اۋماعى شامامەن 10 مىڭ شارشى مەتردى قۇرايدى. تاقىرىپتىق پاۆيلوندارعا بولىنەتىن كورمە الاڭدارىندا سۋدى ۇنەمدەۋ, ەنەرگيانىڭ جاڭا كوزدەرى, رەسۋرستاردى قايتا وڭدەۋ جانە قورشاعان ورتانى قورعاۋ سالاسىنداعى ونىمدەر تانىستىرىلاتىن بولادى.