تۇركىستان وبلىسىندا ەكى اۋىلدى سۋ باسۋىنا بايلانىستى تەحنوگەندى توتەنشە جاعداي رەجيمى جاريالاندى. وسىعان بايلانىستى توتەنشە جاعدايلار كوميتەتىندە شۇعىل شتاب جۇمىس ىستەپ جاتىر. بۇل تۋرالى توتەنشە جاعدايلار كوميتەتىنىڭ ءباسپاسوز قىزمەتى حابارلادى.
توتەنشە جاعدايلار كوميتەتىنىڭ مالىمەتىنە سايكەس شۇعىل شتابقا كوميتەت باسشىسى ۆلاديمير بەككەر توراعالىق ەتەدى.
- جاعدايدى باقىلاۋدا ۇستاۋ ءۇشىن وقيعا ورنىنا ىشكى ىستەر ءمينيسترىنىڭ ورىنباسارى يۋري يلين ەكولوگيا, گەولوگيا جانە تابيعي رەسۋرستار ۆيتسە-ءمينيسترى سەرگەي گروموۆ جانە اۋىل شارۋاشىلىعى مينيسترلىگىنىڭ وكىلى اتتاندى. اپاتتىق قۇتقارۋ جۇمىستارىنا تۇركىستان وبلىسىنان 267 قۇتقارۋشى جانە 26 تەحنيكا تارتىلعان. سونداي-اق شىمكەنتتەن 300 اسكەري جانە 28 تەحنيكا باردى. ۇزىناعاش ەلدىمەكەنىندەگى ۇلتتىق ۇلاننان 460 اسكەري دايىن تۇر, - دەلىنگەن حابارلامادا.