ساراپشىلار الماتىدا پاندەميادان كەيىنگى جىلجىمايتىن م ۇلىك نارىعىنداعى بولجامدى وزگەرىستى تالقىلاي وتىرىپ, مامىر ايىندا ايتارلىقتاي وزگەرىستەر بولادى دەگەن توقتامعا كەلدى.
توتەنشە جاعداي رەجىمىنىڭ ەنگىزىلۋىمەن الماتىداعى كوپتەگەن پاتەر يەلەرى پاتەرلەردىڭ قۇنىن قايتا قاراستىرۋعا ءماجبۇر بولىپ وتىر. قالانىڭ كەيبىر اۋداندارىندا شارشى مەتر ەكى ەسەگە دەيىن ارزاندادى. بىراق مۇنى ريەلتورلار ۋاقىتشا قۇبىلىس دەپ باعامداپ وتىر. inalmaty.kz مالىمەتتەرىنە سۇيەنسەك, جىلجىمايتىن م ۇلىك جونىندەگى اگەنتتىكتەر توبىنىڭ باس ديرەكتورى اينۇر قۇدايبەرگەنوۆانىڭ ايتۋىنشا, مەنشىك يەلەرى كليەنتتەن ايرىلىپ قالماس باعانى تومەندەتۋگە دايىن. ماماننىڭ ايتۋىنشا, قازىر سۇرانىسقا قاراعاندا ۇسىنىستار كوپ. بۇل ەڭ الدىمەن قالا جانە ەلدى مەكەندەردىڭ كارانتين رەجىمىنە كوشۋىنە بايلانىستى. وڭىردەن كەلىپ, جۇمىس ىستەگەن ادامدار ۇيلەرىنە قايتتى. سايكەسىنشە, كوپ پاتەرلەر بوساپ, جالعا الۋ باعاسى تومەندەگەن.
كارانتين كەزىندە جۇمىسسىز قالعان كەيبىر جالعا الۋشىلار جالعا بەرۋشىلەردى جەڭىلدىكتەر جاساۋعا جانە جالعا الۋ قۇنىن ايتارلىقتاي تومەندەتۋگە سەندىرۋگە تىرىسۋدا.
الماتى