الماتى قالاسى پوليتسيا دەپارتامەنتىنىڭ دەرەكتەرى بويىنشا, قالا سىرتىنداعى ساياجايلارعا بارۋ ءۇشىن بلوك-بەكەتتەردەن 1021 اۆتوكولىك جانە 2093 ادام وتكەن.
بلوك-پوستتاردا جۇمىس ىستەيتىن قىزمەتكەرلەر ساياجايعا شىققان الماتىلىقتاردىڭ بارلىعىن مۇقيات تەكسەرىپ, قۇجاتتارىنىڭ دۇرىستىعىن انىقتاعان. بۇل ىسكە ەرىكتىلەر دە جۇمىلدىرىلىپ, تۋىنداعان ماسەلەلەردى دەر كەزىندە شەشۋ مەن قارت ادامداردىڭ اۋىر سومكەلەرى, كوشەت سالىنعان قوراپتارىن تاسىمالداۋعا كومەكتەسۋگە تىرىسقان. پد باسشىسىنىڭ ءبىرىنشى ورىنباسارى نۇرلان الماسبەكوۆ اتاپ وتكەنىندەي, ازاماتتاردىڭ باسىم بولىگى پەرۆوماي, ەسىك, قاسكەلەڭ, ىلە باعىتىنداعى ساياجايلارعا باعىت الىپ, وسى ماڭداعى بلوكبەكەتتەردەن وتكەن.
الماتىدا كارانتين رەجيمى جەڭىلدەتىلىپ, تۇرعىندارعا قالا سىرتىنداعى ساياجايلارعا بارۋعا رۇقسات ەتىلگەن كەزدە قالا اكىمشىلىگى الماتىلىقتاردى سانيتارلىق تالاپتاردى ساقتاۋعا شاقىرا وتىرىپ, ساياجايعا باراتىن ادامنىڭ قولىندا مەنشىگىن راستايتىن زاڭدى قۇجاتى بولۋى كەرەكتىگىمەن قاتار ءۇش ادام عانا رۇقسات ەتكەن بولاتىن. ال ساياجايعا شىققانداردان مەديتسينالىق ماسكا, انتيسەپتيك مىندەتتى تۇردە تالاپ ەتىلەدى.
الماتى