بۇۇ-نىڭ سيريا بويىنشا ارنايى وكىلى گەير پەدەرسەن ۆيدەو بايلانىس ارقىلى قاۋىپسىزدىك كەڭەسىنىڭ مۇشەلەرىنە سويلەگەن سوزىندە سيرياداعى اتىستى توقتاتۋعا شاقىردى.
بۇۇ باس حاتشىسى انتونيو گۋتەرريش افريندە بولعان شابۋىلدى قاتاڭ ايىپتاپ وتىر. سيريا-تۇركيا شەكاراسىندا ورنالاسقان افرين بازارىنداعى جارىلىس سالدارىنان 40-تان استام ادام قايتىس بولىپ, ونىڭ ىشىندە 11 بالا بولعانى بەلگىلى.
ء«بىز زورلىق-زومبىلىقتىڭ جالعاسۋىنا جول بەرە المايمىز. قاقتىعىس كۇيزەلىسكە تۇسكەن ادامداردى جاڭا قونىس اۋدارۋعا ماجبۇرلەيدى. ءبىز بۇل پاندەميادان بۇرىن مۇنداي جاعدايعا جول بەرمەۋىمىز كەرەك ەدى, بىراق قازىر ونىڭ سالدارى تىپتەن اۋىر بولىپ بارادى», - دەدى پەدەرسەن.
گەير پەدەرسەن سيرياداعى اتىستى توقتاتۋ جانە بەيبىتشىلىك ءۇردىسىن جەدەلدەتۋ ماقساتىندا سيريا وقيعالارىنىڭ نەگىزگى قاتىسۋشىلارىمەن كەلىسسوزدەر جۇرگىزىپ جاتقانىن ايتتى.