ەلدەگى جۇمىسسىزدىق احۋالى تۋرالى قىرعىزستان پارلامەنت ماجىلىسىندە پرەمەر-مينيستر مۇحاممەدقالي ابىلعازيەۆ مالىمدەدى. قازىرگى كەزدە رەسپۋبليكادا داعدارىسقا قارسى ءىس قيمىلدار اياسىندا بيزنەستى قولداۋ ماقساتىندا نەسيە جانە سالىقتاردى تولەۋدى كەيىنگە قالدىرۋ قاراستىرىلدى.
ۆيتسە-پرەمەر ەركين اسرانديەۆتىڭ ايتۋىنشا, ەل بيۋدجەتى قازىرگى كەزدە قيىن جاعدايدا. ءبىر ميلليوننان استام ادام ۋاقىتشا جۇمىسسىز قالدى. الداعى ۋاقىتتا بيزنەس باعدارى وزگەرەدى, كەيبىر كاسىپورىندار جابىلادى. وسىنداي جاعدايدا ەكونوميكانى قولداۋ ءۇشىن 14 ميلليارد دوللار قاجەت. الداعى ۋاقىتتا بۇل سومانى ۇلعايتۋ كەرەك.
بۇدان بۇرىن ءمالىم بولعانىنداي, قازاقستاننان گۋمانيتارلىق كومەك رەتىندە قىرعىز رەسپۋبليكاسىنا 800 توننا ۇن جەتكىزگەن بولاتىن. بۇل قىرعىز ەلىنە كورسەتىلەتىن گۋمانيتارلىق كومەكتىڭ العاشقى پارتياسى. جۇك بارلىق سانيتارلىق-ەپيدەميولوگيالىق نورمالار ساقتالا وتىرىپ, تەمىرجول ارقىلى 12 ۆاگونمەن جەتكىزىلدى. قىرعىز باسشىلىعى قازاقستانعا بۇل كومەگى ءۇشىن ريزاشىلىعىن بىلدىرۋدە.